Cesalonaika, iVola vei Ira na Kai
E rua na ivola ena Veiyalayalati Vou. Oqori taumada na ivola a vola ko Paula vei ira na kai Cesalonaika ni tiko voli mai Korinica ena imatai ni nona veisiko ki Iurope rauta ena 50 S.K. E vakamacalataki ena Cakacaka wase 17 na nona cakacaka mai Cesalonaika. A via lesu tale ki Cesalonaika ko Paula ia sa sega ni rawa me vakakina (1 Cesa. 2:18). Sa mani talai Timoci kina me vakamarautaki ira na saumaki mai ki na lotu ka kauta mai vua na itukutuku ni kedra ituvaki. A vola ko Paula na imatai ni ivola me baleta na nona vakavinavinakataka ni sa lesu mai ko Timoci.
iMatai ni Cesalonaika
Wase 1–2 e lewena na nona veikidavaki kei na nona masu ko Paula me baleti ira na Yalododonu; na wase 3–5 e veidusimaki ena tubu vakayalo, na loloma, na bula savasava, na gugumatua, kei na ikarua ni Lako Mai nei Jisu Karisito.
iKarua ni Cesalonaika
Wase 1 e lewena e dua na masu me baleti ira na Yalododonu. Na wase 2 e tukuna na vukitani ena qai yaco mai. Na wase 3 e lewena na masu nei Paula me baleta na kena rawa vakavinaka na inaki ni kosipeli.