Peali
    Footnotes
    Theme

    Peali

    E dua na kalou tagane ni matanisiga ka dau qaravi vakatabakidua mai Finaisi (1 Tui 16:31) ia sa dau qaravi talega ena veisala duidui eso ena veivanua eso: vei ira na Moapi ko Peali-piori (Na Tiko. 25:1–3), e Sikemi ko Peali-pirici (Dauvei. 8:33; 9:4), e Ekironi ko Peali-sipupi (2 Tui 1:2). E rawa ni ko Peali ga oqo, ko Pela mai Papiloni kei Seusi mai Kirisi. Na vosa Peali e vakamacalataka na nodrau veiwekani e dua na turaga kei na nona bobula. E dau ivakatakarakara kei Peali na bulumakau tagane. Ko Asitoreci na kalou yalewa sa dau qaravi vata kei Peali.

    Ena so na gauna sa cokoti vata na Peali vata kei na dua tale na yaca se na vosa me tukuna na isema vata kei Peali, me vaka e dua na vanua e dau qaravi kina se dua na tamata ka tu vua na ivalavala vaka-Peali. E muri, ni sa yaco me ca sara na ibalebale ni Peali, sa sosomitaka na vosa Voseci ena veiyaca cokovata oqori. Na Voseci na kena ibalebale na “madua.”