Parofita
    Footnotes
    Theme

    Parofita

    E dua na tamata e kacivi ka vosa me baleta na Kalou. Me vaka ni italai ni Kalou, sa dau ciqoma na parofita na ivakaro kei na parofisai, kei na ivakatakila mai vua na Kalou. Na nona itavi sai koya me vakaraitaka me kilai ki na kawatamata na loma ni Kalou kei na nona itovo, ka me vakaraitaka na ibalebale ni Nona ivakarau vei ira. Na parofita ena dau cudruvaka na ivalavala ca ka tukuna rawa na kena revurevu. Ena dau vunautaka ko koya na buladodonu. Ena veigauna eso, ena dau vakauqeti na parofita me tukuna rawa na veigauna mai muri me ra vinaka kina na kawatamata. Sa nona itavi taumada, me vakadinadinataki Karisito. Na Peresitedi ni Lotu i Jisu Karisito ni Yalododonu Edaidai sai koya na parofita ni Kalou e vuravura ena gauna oqo. Eratou sa tokoni me parofita, daurairai, ka dauvakatakila ko iratou na lewe ni Mataveiliutaki Taumada kei na iApositolo Le Tinikarua.