Valecavu, Vale Vakacevaceva
    Footnotes
    Theme

    Valecavu, Vale Vakacevaceva

    E dua na vale ni Turaga, na vanua bibi ni nodra sokalou na Isireli ena gauna ni nodra LakoYani mai Ijipita. Na vale vakacevaceva sai koya e dua na valetabu dau veikauyaki ka rawa ni tasereki ka semasema tale. Era sa dau vakayagataka na luvei Isireli e dua na vale vakacevaceva me yacova na gauna era sa tara rawa kina na valetabu i Solomoni (V&V 124:38).

    Sa vakatakila na Kalou vei Mosese na icakacaka ni vale vakacevaceva (L.Y 26–27), ka ra qai tara na luvei Isireli me vaka na kena icakacaka ko ya (L.Y 35–40). Ni sa tara oti na vale vakacevaceva, sa solega tu na valelaca e dua na o, ka sa vakasinaita na loma ni vale vakacevaceva na nona lagilagi na Turaga (L.Y 40:33–34). Na o sa ivakatakilakila ni nona iserau na Kalou. Ena bogi ena vaka na irairai ni bukawaqa. Ni sa vakaruguti tu na valelaca ena o, era keba na luvei Isireli. Ni toso era sa toso vata kaya (L.Y 40:36–38; Tiko. 9:17–18). Era kauta voli na luvei Isireli na vale vakacevaceva ena nodra veilakoyaki ena loma ni vanua dravuisiga kei na nodra segata me ra taura na vanua ko Kenani. Ni oti na nodra sasaga o ya, sa qai laki tara toka na vale vakacevaceva mai na vanua ko Sailo, na vanua sa digitaka na Turaga (Josu. 18:1). Ni ra sa tara oti na luvei Isireli na valetabu i Solomoni, sa qai oti kina vakadua na vale vakacevaceva mai na itukutuku ni gauna.

    Sa dau vakayagataka na Turaga ka vakakina ko Aisea na vale vakacevaceva me ivakatakarakara ni koro lelevu e rua ko Saioni kei Jerusalemi ena gauna ni iKarua ni Nona Lako mai na Turaga (Ais. 33:20; Mosese 7:62).