Veivuke ni Vuli
Jeremaia


Jeremaia

E dua na parofita ni Veiyalayalati Makawa ka a sucu mai na dua na matavuvale vakabete, a parofisai mai Juta ena 626 ki na 586Ā B.K. A bula volekata yani na nodra gauna na veiparofita cecere eso: ko Liai, Isikeli, Osea, kei Taniela.

A tabaki mai ena nona bula taumada ko Jeremaia me mai parofita (Jere. 1:4ā€“5). Ena loma ni vasagavulu na yabaki ni nona veiqaravi vakaparofita a veivakavulici ko koya ena kena saqati na qaravi kalou lasu kei na bula tawasavasava vei ira na Jiu (Jere. 3:1ā€“5; 7:8ā€“10). A tu ko koya me sotava na veisaqasaqa e sega ni oti rawa kei na veivakacacani (Jere. 20:2; 36:18ā€“19; 38:4). Ni oti na lutu kei Jerusalemi, era a kauti Jeremaia ko ira na Jiu era a dro ki Ijipita (Jere. 43:5ā€“6), na vanua, me vaka na nodra ivalavala vakavanua, era a vakaviriki koya kina ena vatu me mate.

Na ivola i Jeremaia

Na wase 1ā€“6 e lewena na parofisai ka a soli ena gauna ni veiliutaki nei Josaia. Wase 7ā€“20 na parofisai eso ena gauna i Jioiakimi. Wase 21ā€“38 e baleta na gauna ni veiliutaki nei Setekaia. Na wase 39ā€“44 e lewena na veiparofisai eso ka vakamacalataka na veika ena gauna makawa ni sa oti na lutu kei Jerusalemi. Na wase 45 e lewena e dua na yalayala vei Peruki, na nona vunivola, ni na taqomaki na bula nei Peruki. Na kena itinitini, ena wase 46ā€“51 na parofisai eso ka saqati kina na veimatanitu tani. Na wase e 52 e dua na itinitini ni gauna makawa. Eso na parofisai i Jeremaia era tu ena peleti parasa i Lepani ka a maroroya tu ko Nifai (1Ā Nif. 5:10ā€“13). A cavuti ena rua tale na gauna ena iVola i Momani ko Jeremaia (1Ā Nif. 7:14; Ila. 8:20).

Na ivola i Jeremaia e oka talega kina na kena tukuni na bula taumada ni tamata kei na nona sa tabaki rawa mai ko Jeremaia (Jere. 1:4ā€“5); e dua na parofisai ni nona lesu mai ko Isireli mai na itutu ni veiseyaki, ka vakasoqona mai e dua mai na dua na koro ka rua mai na dua na matavuvale ki Saioni, e dua na vanua vinaka era na tiko sautu ka taqomaki vinaka kina na Isireli kei na Juta (Jere. 3:12ā€“19); kei na dua na parofisai ni nona vakasoqoni Isireli na Turaga mai na veimatanitu ena vualiku ena nona talai ira yani e vuqa na ā€œgonedauā€ kei na ā€œdauvakasasaā€ me kunei ira mai (Jere. 16:14ā€“21). Na cakacaka oqo ni veisiga e muri ena levu cake sara mada ga mai na nona kauti Isireli mai Ijipita ko Mosese (Jere. 16:13ā€“15; 23:8).