Veivuke ni Vuli
Nauvu, Ilinoi (Amerika)


Nauvu, Ilinoi (Amerika)

E dua na koro levu era a tauyavutaka na Yalododonu Edaidai ena 1839 ena yasana ko Ilinoi. E koto ena yasa ni Uciwai na Misisipi, rauta ni 200 na maile (320 na kilomita) ena mua i cake ni uciwai mai Seni Loisi.

Ena vuku ni veivakacacani ena yasana ko Misuri, era sa toki kosova kina na Misisipi ko ira na Yalododonu rauta ni 200 na maile ki na vua-i-cake, ka ra curumi Ilinoi, ka ra raica ni vinaka cake vei ira. Sa yaco me ra voli qele na Yalododonu volekata na koro levu ka se bera tu ni vakatorocaketaki ko Komesi. Na vanua oqo e lala ka dabibi, e koto kina e vica wale sara na vale lalai. Era a kelivaka na vanua oqo na Yalododonu me mamaca ka ra tauyavutaka na nodra itikotiko. A tokia ko Josefa Simici na nona matavuvale ki na dua na vale tolonikau. A qai veisautaki na yaca ni koro levu ko Komesi me Nauvu, ka kena ibalebale vaka-Iperiu na ā€œrairai vinaka.ā€

E vica vata na wase ni Vunau kei na Veiyalayalati a volai mai Nauvu (V&V 124ā€“129; 132; 135). A tukuni vei ira na Yalododonu me ra tara e dua na valetabu e Nauvu (V&V 124:26ā€“27). Era a tara na valetabu ka tauyavutaka na nodra itikotiko ni bera ni ra qai vakasavi tani mai kina ena 1846. Ena vuku ni veivakacacani, era sa biuta kina na Yalododonu na nodra vanua ka gole vaka ki na ra.