Vunau kei na Veiyalayalati 135
    Footnotes

    Wase 135

    Kacivaki ni nodrau vakamatei o Josefa Simici na Parofita kei na tuakana ko Airame Simici na Peteriaki, mai Kaceji, Ilinoi, ena 27 ni June 1844. A volai na itukutuku oqo ena mua ni itabataba ni Vunau kei na Veiyalayalati, ka sa voleka sara tiko ga ni vakarau tabaki ena gauna erau labati kina o Josefa kei Airame Simici.

    1–2, Erau sa vakamatei ena Valeniveivesu mai Kaceji ko Josefa kei Airame; 3, Tusanaki na lagilagi kei na vuavuai vinaka ni nona bula na Parofita; 4–7, Sa vakadinadinataki ena nodrau dra tawacala na dina kei na vakalou ni cakacaka.

    1 Me dregata na ivakadinadina ni ivola oqo kei na iVola i Momani, keitou sa tukuna kina na nodrau avakamatei ko bJosefa Simici na Parofita, kei Airame Simici na Peteriaki. Erau a lauvana ena valeniveivesu mai cKaceji, rauta na lima na kaloko ena yakavi ni ika 27 ni June 1844, mai vei ira e dua na ilawalawa vakaiyaragi—era qumuloa—e rauta ni ra lewe 150 ki na 200 na tamata. A lauvana e liu ko dAirame ka lutu vakamalua yani, e kailavaka: Au sa mate! A lade mai katubaleka ko Josefa ka lauvana mate kina, a kailavaka tiko: Noqu Turaga na noqu Kalou! Ia erau a qai laulauvana tale ni rau sa bale mate no, ena kena ivalavala vakaloloma, a lauti rau e ya va na gasau.

    2 Koi rau ga na lewe rua erau a tiko vata kei rau ena rumu koya ena gauna o ya, sai aJoni Teila kei Wiladi Rusiate, e rua vei ira na Le Tinikarua; a vakamavoataki vakaca sara o koya e cavuti e liu ena va na gasau, ia a qai bula vinaka tale; ia ko koya e cavuti e muri a dro bula ena veivuke ni Kalou, ka sega mada ga ni bau dua na qara ena nona icurucuru.

    3 Ko Josefa Simici na aParofita ka bDaurairai ni Turaga, sa cakava e levu cake na ka mai vei ira kecega na tamata era sa bula oti e vuravura, ka vakavo ga kina ko Jisu, me baleta na nodra vakabulai na tamata e vuravura. Ena loma wale ga ni ruasagavulu na yabaki, sa rawata kina vei keda na iVola i Momani, ka a vakadewataka ena isolisoli kei na kaukauwa ni Kalou, ka idewadewa ni kena tabaki ena rua na vanua lelevu; ka sa vakauta yani na ctaucoko ni kosipeli tawamudu ka tu e lomana, ki na yasai vuravura e va; sa ciqoma ka solia mai na ivakatakila kei na ivakaro ka lewena tu na ivola oqo na Vunau kei na Veiyalayalati, kei na vuqa tale na itukutuku veivakavukui kei na idusidusi me yaga vei ira na luve ni tamata; a soqoni ira vata e vica na udolu na Yalododonu Edaidai, tauyavutaka e dua na dkoro levu, ka biuta koto mai e dua na irogorogo kei na yaca ka na sega ni vakamatei rawa. A cecere na nona bula, ka cecere na nona mate e matana na Kalou kei ira na nona tamata; ia me vaka e vuqa vei ira na nona ilumuti na Turaga ena veigauna makawa, a dregata na nona ilesilesi kei na nona cakacaka ena nona edra; sa vakakina ko Airame na tuakana. Erau a duavata ena bula oqo, ka rau a sega ni veitawasei ni rau sa mate!

    4 Ena nona lako ki Kaceji ko Josefa me la’ki soli koya ki na veika e kainaki ni vinakati vakalawa, ni vo tiko e rua se tolu na siga me labati, a kaya vakaoqo: “Au sa lako me vaka na alami sa la’ki vakamatei; ia au sa sega ni taqaya se yalolailai kina; raica au sa kila ena vu ni yaloqu, ni’u sa sega ni cala vua na Kalou se vei ira na tamata. Au sa mate ena noqu dodonu, ia ena qai tukuni vakaoqo ena vukuqu—a laulaba bulabula ko koya.”—Ena mataka vata ga ko ya ni sa vakarau lako ko Airame—me da kaya beka me laki vakamatei? Io, ni vaka dina kina—a wilika na veiparakaravu oqo, ni voleka ni oti na ikatinikarua ni wase ni Ica, ena iVola i Momani, ka mani lobika toka na drau ni pepa ko ya:

    5 Ka sa yaco ni’u sa masu vua na Turaga me lomani ira na Matanitu Tani ena loloma soli wale, me tu kina vei ira na loloma uasivi. Ka sa yaco ni sa kaya vei au na Turaga: Kevaka e sega vei ira na loloma uasivi, sa sega ni dua na ka vei iko, ko sa yalodina tiko; o koya ena avakasavasavataki na nomu isulu. Ia ko na vakaukauwataki ni ko sa raica na nomu malumalumu, io mo dabeca kina na nomu tikina au sa vakarautaka ena vale nei Tamaqu. Ia oqo koi au … au sa vakamoce vei kemuni na Matanitu Tani, kei kemuni tale ga na wekaqu lomani, me yacova ni da na qai sota tale ena mata ni bitikotiko ni veilewai i Karisito, ia era na qai raica na tamata kecega ni sa savasava na noqu isulu ka sa sega ni tauva na nomuni dra. Erau sa mate yani na ca vola na itukutuku oqo, ia sa bula tu mai na nodrau ivakadinadina.

    6 A yabaki vasagavulu kava ko Airame Simici ena vula ko Feperueri 1844, ia ko Josefa Simici a yabaki tolusagavulu kawalu ena vula ko Tiseba 1843; ia mai na gauna oqo ka lako yani ena volai na yacadrau vata kei ira era a vakamatei ena vuku ni nodra vakabauta vakalotu; ia ko ira era na wilika ena veimatanitu era na qai nanuma lesu ni iVola i Momani kei na ivola oqo ni Vunau kei na Veiyalayalati ni lotu, a dave kina na dra vinaka duadua ni ikatinikaciwa ni senijiuri me rawa kina na kena vakabulai e dua na vuravura sa ca tu; ia kevaka e rawa ni vakarusa na bukawaqa e dua na vunikau adrokadroka me vakalagilagi kina na Kalou, sa ka rawarawa sara me vakamai na kau madu me vakasavasavataki kina na were ni vaini sa ca tu. Erau a bula me rau rawata na lagilagi; erau mate me rau rawata na lagilagi; ka sa nodrau icocovi tawamudu na lagilagi. Ia ena daucavuti na yacadrau ena veitabatamata kecega me vaka na vatu talei vei ira era sa vakatabui.

    7 Ia a sega ni dua na nodrau cala, me vaka sa dau vakadinadinataki e liu, ia erau a bala ga ki na valeniveivesu ena nodra inaki ca na dau vere, kei ira na tamata ca; ia na nodrau dra tawacala a vakadavei ena buturara ni vale ni veivesu mai Kaceji, sa dua na drega rabailevu ka dregati kina na “vakabauta vaka-Momani” ena sega na mataveilewai e vuravura me vakalasuya rawa, ia na nodrau dra tawacala ena takava na drotini ni Yasana ko Ilinoi, ena yalayala sega ni vakavotukanataki me vaka a boletaka na kena kovana, sa ivakadinadina ni dina ni kosipeli tawamudu ka na sega ni rawa ni vakacala ko vuravura taucoko; kei na nodrau dra tawacala ena kuila ni bula galala, ka vakakina ena yavu ni vakavulewa ni matanitu ko Amerika, sa mata ni moto ni Lotu i Jisu Karisito, ka na tatara na kena revurevu vakayalo e lomadra na tamata yalododonu ena veimatanitu kecega; ia na nodrau dra tawacala kei na nodra dra tawacala tale ga na tamata vakabauta era a vakamatei ena ruku ni aicabocabo ni soro ka a raica ko Joni, ena tagi vua na Turaga ni Lewevuqa me yacova ni sa sauma na dra oqori e vuravura. Emeni.