iVolanikalou
    Vunau kei na Veiyalayalati 7
    iVakamacala e botona e ra
    Theme

    Wase 7

    Na ivakatakila a soli vei Josefa Simici na Parofita kei Oliva Kaudari, e Amoni, Penisilivenia, Epereli, 1829, ena nodrau a vakataroga ena Urimi kei na Cumimi se sa bula tikoga vakayago ko Joni, na tisaipeli daulomani, se sa mate. Na ivakatakila e ivakadewa ni ivolatukutuku ena kuli ni manumanu mai vei Joni ka vunitaka talega ko koya.

    1–3, Ena bula tiko ko Joni na Daulomani me yacova ni sa lako mai na Turaga; 4–8, Eratou taura tu ko Pita, Jemesa, kei Joni na idola ni kosipeli.

    1 Ka sa kaya vei au na Turaga: aJoni, na noqu daulomani, a cava ko sa bgadreva? Ni kevaka ko na kerea na veika ko sa vinakata, ena soli dina sara vei iko.

    2 Kau sa qai kaya vua: Turaga, ni solia mai vei au na kaukauwa meu vakamalumalumutaka kina na amate, me rawa niu bula tiko ka kauta mai na yalo vei kemuni.

    3 Ka sa kaya vei au na Turaga: E dina, e dina, au sa kaya vei iko, baleta ni ko sa gadreva oqo ko na abula tiko ga me yacova niu sa lako mai ena noqu blagilagi, ia ko na cparofisai vei ira na veimatanitu, veimataqali, duivosavosa kei ira na tamata.

    4 A ka oqo sa kaya kina na Turaga vei Pita: Kevaka kau sa vinakata me bula tiko ga ko koya ka yacova na noqu lako mai, a cava oqo vei iko? Ni sa gadreva ko koya vei au me na vakalesui ira tale mai na yalo ki vei au, ia ko iko ko sa gadreva mo lako kusarawa mai vei au ki na noqu amatanitu.

    5 Au sa kaya vei iko, Pita, sa vinaka oqo na ka ko sa gadreva; ia na noqu daulomani sa gadreva me gumatua vakalevu cake, se dua na cakacaka e levu cake ena kedra maliwa na tamata ki na veika ka sa cakava oti.

    6 Io, sa dua na cakacaka levu me sa na qarava; o koya au na qisi koya me vaka na yameyame ni bukawaqa kei na dua na aagilosi dauveiqaravi; ka na qaravi ira o ira me ra na btaukena na veivakabulai ka ra tiko e cvuravura.

    7 Kau na lesi iko mo vukei koya kei na tuakamu ko Jemesa; raica vei kemudou na lewetolu oqo au na solia kina na kaukauwa kei na aidola ni ilesilesi oqo me yacova niu sa lesu mai.

    8 Au sa kaya vakaidina vei kemudrau, ena soli dina vei kemudrau me vaka na nomudrau gagadre, ni drau na amarau ena vuku ni nomudrau gagadre.