iVolanikalou
    Vunau kei na Veiyalayalati 123
    iVakamacala e botona e ra
    Theme

    Wase 123

    Na nodra itavi na Yalododonu me baleti ira na dauveivakacacani me vaka e vola ko Josefa Simici na Parofita, ni tiko voli vakavesu ena valeniveivesu e Lipati, Misuri. Na wase oqo e tauri mai na dua na ivola ki na Lotu ka volai ena 20 ni Maji, 1839 (raica na ulutaga ni wase 121).

    1–6, Me ra kumuna vata na lewe ni lotu ka tabaka na itukutuku ni nodra vakararawataki ka vakacacani; 7–10, Na yalo ga a tauyavutaka na ivakavuvuli lasu, e sa vakavuna tale ga na nodra vakacacani na Yalododonu; 11–17, E vuqa vei ira ena veimatavakabauta kece sara era sa sega ni kila na ka dina.

    1 Kei na dua tale, keitou sa vakatura mo ni vakasamataka kevaka e dodonu vei ira na yalododonu kece sara me ra sokumuna na dina kece sara, kei na nodra vakararawataki ka vakacacani mai vei ira na tamata ena Vanua oqo;

    2 Ka vakakina na nomudou iyau kece sara kei na veika sa vakacacani, io na vosa e tau mo dou vakacacani kina kei na vakacacani ni kemudou irogorogo kei na nomudou iyauqaqa;

    3 Ia mo dou vola tale ga na yacadra kece na tamata era a vakaitavi ena veivakacacani oqori, ena kena levu ga e rawa ni ko ni kila se kunea.

    4 De rawa ni lesi e dua na komiti me vaqaqa mai na veika kece oqo, ka vakarautaka na kena itukutuku kei na ivola ni tukuni ka; ia me ra kumuna vata tale ga mai na veika lasu kece sa tabaki oti ka sa kabuwacara tu oqo na kena ivola;

    5 Io na veika kece sa tabaki ena mekesini, kei na enisaikolopitia kei na itukutuku makawa lasutaki sa tabaki oti, kei na kena era se qai volai, kei ira era vola, ka me vakaraitaki me kilai na veika ca kecega, na veivakalolomataki, kei na veivakamatei a vakayacori vei ira na tamata oqo—

    6 Me da kakua kina ni tabaka walega me kila ko vuravura, ia me da vakaraitaka vei ira na iliuliu ni veimatanitu na nodra ivalavala butobuto ka vakasisila, me iotioti ni noda sasaga me vaka sa vakarota vei keda na Tamada Vakalomalagi, me na qai kilikili kina kei keda na taucoko ni veika sa yalataka tu ni na kacivi koya mai na nona aivunivuni; ka vakakina me na sega na nodra iulubale na lewe ni matanitu ni bera ni qai tala yani na kaukauwa mai na ligana sa kaukauwa sara.

    7 Oqori sa noda itavi bibi vua na Kalou, vei ira na agilosi eda na kau mai me da tu e matadra, ka vakatalega kina vei keda, vei ira na watida kei na luveda, io ko ira era sa vakalolovirataki ena rarawa, ena yaluma, kei na kauwai, mai na liga veivakacacani ni laba, na veivakasaurarataki, na veivakatotogani, e tokoni ka vakabekabei ka tutaki tiko mai na yalo koya, ka sa mai vakota dei ki na lomadra na luvedra na nodra ivakavuvuli na qase, era sa vakabauta na veika lasu, ka vakasinaita na vuravura ena veilecayaki, ka sa tubu cake tikoga na kena kaukauwa, sa yaco edaidai me ivurevure ni veika ca kecega, raica sa vutugu ko avuravura taucoko ena bibi ni ivalavala ca.

    8 Oqori na aivua kaukamea, sa ivau kaukauwa sara; era sa vaka na iqamu ni liga, na wa sinucodo, na ivesu kei na idre kei eli.

    9 O koya sa noda itavi bibi kina ni da sa dinau tu, sega walega vei ira na dui watida kei na luveda, ia vei ira talega na yada kei na luveniyali era sa avakamatei na watidra kei na tamadra ena ruku ni ligana kaukamea;

    10 Na kena butobuto kei na ivalavala vakasisila ena sokonu kina ko eli, io ena kidroa ka rairai malumalumu kina, kei na ligana na tevoro ena sautaninini kei na sasakurekure.

    11 Ka vakatalega kina ni sa noda itavi bibi ni da sa dinau tu kina vei ira na itabatamata era se qai tubu tiko mai, kei ira kece sa savasava na lomadra—

    12 Raica era sa lewe vuqa sara e vuravura ena kedra maliwa na matatamata kecega, na ilawalawa, kei na veimatalotu, era sa avakamatabokotaki ena nodra ivadi qaseqase na tamata, o koya era sa waraka kina me ra veivakaisini, ia era sa sega ga ni kila rawa na ka dina, ni ra sega ni bkila na vanua me ra vakasaqara kina—

    13 A ka oqo sa kilikili kina me da oga ka solia na noda bula me rairai mai kina na veika sa avunitaki tu ena butobuto me da kila; io era na vakavotui vakaidina mai lomalagi—

    14 Sa dodonu kina me qaravi vagumatua na ka kecega.

    15 Me kakua ni dua na tamata e okata na veika oqo me ka wale; raica sa vuqa sara na veika sa vakarautaki tu mai liu me baleti ira na yalododonu, ka na vakatau tiko mai na veika oqo.

    16 Ko ni sa kila na wekaqu, ni sa rawa ni avagolei e dua na waqa levu, ena dua ga na uli lailai ena gauna ni cava, io me vagolei yani me saqata na cagi kei na biau lelevu.

    17 Oi kemudou na wekaqu lomani, me da kitaka na veika kecega eda rawata ena yalo amamarau; io me da tudei sara ka nuitaka tu ni da na raica na bveivakabulai ni Kalou, io me da raica na ligana ni sa vakaraitaka mai.