iVolanikalou
Vunau kei na Veiyalayalati 39


Wase 39

Na veika sa vakatakilai yani mai vei Josefa Simici na Parofita me tukuni vei Jemesa Koveli, mai Feieti e Niu Ioka, ena 5 ni Janueri, 1831. Sa veiyalayalati kei na Turaga o Jemesa Koveli e dua ka italatala tu ni Lotu Wesele me vasagavulu na yabaki, ni na talairawarawa ki na ivakaro kecega ena solia vua na Turaga mai vei Josefa na Parofita.

1–4, Sa tu vei ira na Yalododonu na kaukauwa me ra yaco me luve ni Kalou; 5–6, Eda sa ciqomi Karisito kevaka eda sa ciqoma na kosipeli; 7–14, Sa vakaroti ko Jemesa Koveli me papitaiso ka cakacaka ena nona were ni vaini na Turaga; 15–21, Me ra vunautaka yani na kosipeli ko ira na tamata ni Turaga, ni bera na iKarua ni nona Lako Mai; 22–24, Era na soqoni vata ena bula oqo kei na gauna tawamudu ko ira sa vakabauta na kosipeli.

1 Vakatudaliga ka rogoca na domoi koya sa bula tu ga mai na gauna atawamudu ki na gauna tawamudu, bO Koya sa Bula ka Cecere Sara, io ko Jisu Karisito—

2 Na ararama ka vu-ni-bula kei vuravura; io na rarama sa cilava na butobuto, ia na butobuto sa sega ni kunea;

3 Ko koya vata ga ka a lako mai ena aituvuka ni gauna vei ira na kai noqu, ka ra qai sega ni ciqomi au na kai noqu;

4 Ia ko ira kecega sa vakabauti au, au sa solia vei ira na kaukauwa me ra yaco kina me ra aluvequ; io au na solia vakaidina na kaukauwa vei ira kecega sa vakabauti au, me ra yaco kina me ra luvequ.

5 E dina, e dina au sa kaya vei kemudou, o koya sa vakabauta na noqu kosipeli sa avakabauti au tale ga; ia ko koya sa sega ni vakabauta na noqu kosipeli, sa sega ni vakabauti au.

6 Ka ni sai koya oqo na noqu akosipeli—na veivutuni, kei na papitaiso ena wai, io ena qai muri mai na bpapitaiso ena bukawaqa kei na Yalo Tabu, na Dauveivakacegui, ko koya sa vakaraitaka na ka kecega, ka cvakavuvulitaka na veika sautu ni matanitu.

7 Ia oqo, raica, au sa kaya vei iko, aJemesa na noqu tamata, au sa raica na nomu cakacaka ka kilai iko.

8 Ia au sa kaya vakaidina vei iko; sa dodonu vei au na lomamu ena gauna oqo; ia, raica, au sa vakotora kina na veivakalougatataki cecere e ulumu;

9 Ia, ko a sa sota kaya oti na ka rarawa ni ko a cakitaki au vakavuqa ena qaciqacia ni yalomu kei na nomu kauwaitaka na veika ni avuravura.

10 Ia, raica sa yaco mai na gauna mo vakabulai kina, ia kevaka ko na muria na domoqu, sa kaya vakaoqo vei iko: Tucake mo apapitaiso, me vui laivi kina na nomu ivalavala ca, ni ko sa masuta na yacaqu, io ena soli vei iko na Yaloqu, ia ko na rawata na veivakalougatataki sa uasivi sara ko sa sega mada ni bau kila e liu.

11 Raica kevaka ko sa vakayacora na veika oqo, au sa vakarautaki iko kina mo kitaka e dua na cakacaka e cecere cake. Io mo vunautaka yani na taucoko ni noqu kosipeli ka’u sa vakatakila mai ena veisiga e muri oqo, io oqo na veiyalayalati au sa cakava me ra avakalesui mai kina na noqu tamata, ko ira na mataqali i Isireli.

12 Ka na qai yaco ni na atiko kei iko na kaukauwa; ia ko na uasivi sara ena vakabauta, io au na tiko vakaidina kei iko, ka liu e matamu.

13 Ko sa kacivi mo acakacaka ena noqu were ni vaini, io mo tara cake na noqu lotu, me bvakabulabulataki kina ko Saioni, io me vakataudeitaki ena veiulunivanua ka cvua.

14 Raica, e dina, e dina au sa kaya vei iko, ko sa sega ni lesi ki na veivanua mai natuicake, ia ko sa lesi mo lako ki Oaio.

15 Ia ni ra sa vakasoqoni vata na noqu tamata mai na Oaio, au sa vakarautaka tu na aveivakalougatataki uasivi sara ka sa sega mada ni kila na luve ni tamata, io ena sovaraki yani ki uludra. Ia era na qai lako yani ki na bveimatanitu ckecega.

16 Raica, e dina, e dina au sa kaya vei iko, era sa masuti au vagumatua ena vakabauta o ira na tamata mai Oaio, era nanuma niu na vakadaroya na noqu lewa ki na veimatanitu, ia au na sega ni cakitaka na noqu vosa.

17 Ia mo tekivu cakacaka vagumatua sara, mo kacivi ira na tamata yalodina me ra samaka na noqu were ni vaini, ni oqo sa iotioti ni gauna me na avakasavasavataki kina.

18 Ia ko ira kecega sa veivutuni ka vakabauta sara na taucoko ni noqu kosipeli, ka vakatabui, au na vakadaroya na noqu alewa vei ira.

19 O koya, mo lako yani ka vunau vakadomoilevu, ka kaya: Sa voleka na matanitu vakalomalagi; Mo kaya vakadomoilevu: Osana! me vakarokorokotaki na yaca ni Kalou sa Cecere Sara.

20 Mo lako ka veipapitaisotaki ena wai, io mo caramaka na noqu sala e mataqu ni bera ni’u alesu tale mai;

21 Raica sa voleka mai na gauna; ia na asiga kei na kena auwa sa sega na tamata e bkila; ia ena yaco vakaidina ga.

22 Ia ko koya sa vakabauta na veika oqo, sa vakabauti au; raica au na vakasoqoni ira vata, me ra tiko kei au ena bula oqo kei na gauna tawamudu.

23 Ia, ka na qai yaco, ni ko ira kecega sa papitaisotaki ena wai, mo vakotora e uludra na aligamu, me ra ciqoma na bisolisoli ni Yalo Tabu, io me ra cnamaka tiko na ivakatakilakila ni noqu dlesu tale mai, raica era na kilai au.

24 Raica au na lako kusarawa mai. Io ena yaco vakaidina. Emeni.