iVolanikalou
    Vunau kei na Veiyalayalati 5
    iVakamacala e botona e ra
    Theme

    Wase 5

    Na ivakatakila sa soli vei Josefa Simici na Parofita, e Amoni, Penisilivenia, Maji 1829, ena kerekere nei Matini Erisi.

    1–10, Na itabatamata oqo era na ciqoma na vosa ni Turaga mai vei Josefa Simici; 11–18, E lewe tolu eratou na vakadinadinataka na iVola i Momani; 19–20, Na vosa ni Turaga ena vakadinadinataki me vaka ga ena gauna sa sivi; 21–35, Sa rawa vei Matini Erisi me veivutuni ka dua vei ira na ivakadinadina.

    1 Raica, au sa kaya vei iko, me vaka ni sa gadreva na noqu tamata ko aMatini Erisi me ivakadinadina mai na ligaqu, ni ko iko, na noqu tamata Josefa Simici Lailai, sa tiko vei iko na bpeleti ko a vakadinadinataka ka tusanaka ni ko a taura mai vei au;

    2 Ia oqo, raica, mo kaya vakaoqo vua—o koya ka vosa vei iko, sa kaya vakaoqo vei iko: koi Au, na Turaga, na Kalou, sa solia na veika oqo kivei iko, na noqu tamata Josefa Simici Lailai, ka vakaroti iko mo tucake ka aivakadinadina ni veika kece oqo;

    3 Kau sa vakaroti iko mo veiyalayalati kei au, mo kakua sara ni vakaraitaka vei aira vakavo walega vei ira na tamata kau sa vakarota vei iko; ka sega vei iko na kena bkaukauwa vakavo walega keu sa vakatara vei iko.

    4 Sa tiko vei iko na isolisoli mo vakadewataka na peleti; oqo ga na isolisoli au sa solia taumada vei iko; kau sa vakarota mo kakua mada ni tukuna ni tiko vei iko na isolisoli tale eso me yacova ni sa rawa na noqu inaki ena veika oqo; niu na sega ni solia vei iko e dua tale na isolisoli me yacova ni sa vakacavari.

    5 Au sa kaya vakaidina vei iko, era na ca na kai vuravura kevaka era sa asega ni muria na noqu vosa;

    6 Ia na ka oqo ko na atabaki kina mo lako ka vunautaka na noqu bvosa vei ira na luve ni tamata.

    7 Raica, kevaka era sa sega ni avakabauta na noqu vosa, era na sega tale ga ni vakabauti iko, na noqu tamata Josefa, io kevaka sa rawa mo vakaraitaka vei ira na veika kece au sa solia vei iko.

    8 Io, na itabatamata atawavakabauta ka bdomodomoqa oqo—sa tu vakarau na noqu cudru me baleti ira.

    9 Raica, au sa kaya vakaidina vei iko, Niu sa ataqomaka na veika kece ko ya kau a nuitaki iko kina, Josefa na noqu tamata, ena kena inaki cecere sa tu vei au, ka na qai vakatakilai vei ira na itabatamata e muri;

    10 Ia na itabatamata edaidai, era na rogoca na noqu vosa mai vei iko;

    11 Sa na ikuri ni nomu ivakadinadina, na nodratou aivakadinadina na noqu tamata e lewe tolu au na kaciva ka tabaka, ia au na vakaraitaka vei iratou na veika oqo, ka ratou na lako yani ena noqu vosa ka sa soli yani vei iko.

    12 Io, eratou na kila vakaidina sara ni sa dina na veika oqo, niu na vakatakila vei iratou mai lomalagi.

    13 Au na solia vei iratou na kaukauwa me ratou raica ka sarava na veika kece oqo me vaka ga na kedra irairai;

    14 Ena asega tale ni dua au na solia vua na kaukauwa oqo, me ciqoma na ivakadinadina vata ga oqo ena kedra maliwa na itabatamata oqo, ena gauna oqo na itekitekivu ni kena cadra cake mai ka basika na noqu blotu mai na loma ni lekutu—sa weweli me vaka na cvula, ka serau me vaka na matanisiga, ka sa rerevaki me vaka na ivalu sa vakadrotini.

    15 Ia na nodratou ivakadinadina na lewe tolu na aivakadinadina au na vakauta yani mai na noqu vosa.

    16 Ia raica, ko ira ga sa avakabauta na noqu vosa, o ira ga oqori au na btalevi ira mai ena cveivakatakilai ni dYaloqu; ka ra na esucu vei au, io ena wai kei na Yalo—

    17 Mo tei wawa mada vakalailai, ni ko se bera tiko ni atabaki

    18 Na nodratou ivakadinadina ena lako talega yani ki na acudruvi ni itabatamata oqo kevaka era vakaukauwataka na lomadra vei iratou;

    19 Ni na dua na aikuita ni veivakatalai ena yaco mai vei ira na kai vuravura, ka na dau talevi ira tiko mai ena veigauna e so, kevaka e ra sega ni bveivutuni, me yacova ni sa clala ko vuravura, ka ra na kama ka rusa kece na lewena ena iserau ni noqu dlako mai.

    20 Raica, au sa tukuna vei iko na veika oqo, me vaka na noqu a atukuna e liu vei ira na tamata na vakarusai nei Jerusalemi; ia ena vakayacori vakaidina na noqu bvosa ena gauna oqo, me vaka sa dau vakayacori na noqu vosa kecega.

    21 Ia oqo au sa vakaroti iko, Josefa na noqu tamata, mo veivutuni ka lako vakadodonu e mataqu, ia me kakua sara ni rawai iko tale na nodra veivakauqeti na tamata;

    22 Raica mo tudei sara ena nomu amuria tiko na ivunau me vaka au sa vakaroti iko kina; ia kevaka ko na vakayacora rawa oqo, raica au sa solia vei iko na bula tawamudu, kevaka sara mada ga ko na bvakamatei.

    23 Ia oqo, Au na vosa tale vei iko, Josefa na noqu tamata, me baleta na atamata ka vinakata tiko me ivakadinadina—

    24 Raica, au sa kaya vei koya, ni sa rui viavialevu ka sega ni vakayalomalumalumutaki koya vakavinaka vei au; ia kevaka sa cuva vei au, ka vakayalomalumalumutaki koya ena masumasu vagumatua kei na vakabauta, ena yalodina, au na qai vakatara me araica na veika sa gadreva me raica.

    25 Ia ena qai kaya ko koya vei ira na tamata ena itabatamata oqo: Raica, au sa raica na veika ka a solia na Turaga vei Josefa Simici Lailai, kau akila vakaidina ni ra sa ka dina sara ga, niu a raici ira, ka ni a vakaraitaki vei au ena kaukauwa ni Kalou ka segai ena kaukauwa vakatamata.

    26 Ia koi Au na Turaga, au sa vakaroti koya, ko Matini Erisi na noqu tamata, me kakua tale ni tukuna vei ira e dua na ka me baleta na ka oqo, ia me kaya ga vakaoqo: Au sa raica, ka ra sa vakaraitaki vei au ena kaukauwa ni Kalou; oqori ga na vosa me na tukuna.

    27 Ia kevaka sa cakitaka oqo sa na voroka na veiyalayalati ka sa veiyalayalati oti kina kei au, raica, ena cudruvi ko koya.

    28 Ia oqo, vakavo ga kevaka e vakayalomalumalumutaki koya ka tusanaka vei au na veika cala sa vakayacora, ka veiyalayalati kei au ni na muria na noqu ivakaro, ka vakabauti au tiko, raica, Au sa kaya ki vua, ena sega vua na rai vakakoya, niu na sega ni vakatara vua me raica na veika au sa tukuna oti.

    29 Ke sa vakaoqo, Au sa vakaroti iko, i Josefa na noqu tamata, mo na tukuna vua, me na kakua tale ni tosoya, se vakasosataki au tale me baleta na veika oqo.

    30 Ke sa vakaoqo, raica, au sa kaya vei iko Josefa, ni sa oti na nomu vakadewataka e vica tale na draunipepa mo sa na cegu mada ena loma ni dua na gauna, me yacova niu sa qai vakaroti iko tale; sa na rawa mo qai tekivu vakavakadewa tale.

    31 Ia kevaka walega ko na vakayacora oqo, raica, sa na sega tale na nomu isolisoli, kau na kauta tani na veika kau sa nuitaki iko tiko kina.

    32 Ia oqo, baleta niu sa raica rawa na inaki ni tamata me ra vakarusai iko, io, au sa raici Matini Erisi na noqu tamata kevaka sa sega ni vakayalomalumalumutaki koya ka ciqoma e dua na ivakadinadina mai na ligaqu, ena lutu ki na talaidredre;

    33 Era lewe vuqa era sa wawa tu me ra avakarusai iko tani e delai vuravura; ia me vaka ni na vakabalavutaki na nomu veisiga, au sa solia kina vei iko na ivakaro oqo.

    34 Io, ena vuku ni ka oqo au sa kaya: Mo vakacegu mada, ka tu vakadua me yacova na noqu vakaroti iko, kau na avakarautaka vei iko na sala mo rawata kina na itavi au sa vakarota vei iko.

    35 Ia kevaka ko sa ayalodina ena muria na noqu ivakaro, ko na blaveti cake ena siga mai muri. Emeni.