Vunau kei na Veiyalayalati 110
    Footnotes

    Wase 110

    Na raivotu sa vakaraitaki vei rau ko Josefa Simici na Parofita kei Oliva Kaudari ena valetabu mai Katiladi, Oaio, ena 3 ni Epereli 1836. A yaco na ka oqo ena dua na soqoni ena Siga ni Vakacecegu. E tukuna na itukutuku makawa kei Josefa Simici: “Au a vukei ira tiko eso na peresitedi ena yakavi me keimami veisoliyaka na iVakayakavi ni Turaga vei ira na lewe ni Lotu, eratou a solia mai vei keimami ko iratou na Le Tinikarua, ni sa nodratou itavi me ratou lotutaka ena siga ko ya. Au sa vakayacora oti na itavi vei ira na wekaqu, au qai cabe cake ki na itutu ni vunau ni sa sogo tu na ilatilati, keirau a cuva kina kei Oliva Kaudari ena yalodina ka vakacabora lo na neirau masu. Ia ni keirau sa tacake mai na neirau masu, sa vakaraitaki vei keirau ruarua na veika oqo.”

    1–10, Sa rairai mai ena nona lagilagi na Turaga ko Jiova ka ciqoma me Nona na Valetabu mai Katiladi; 11–12, Erau sa rairai mai ko Mosese kei Iliesa ka mai solia na idola kei na itabagauna erau a dui qarava; 13–16, A vakalesuya mai ka solia ko Ilaija na idola ni nona itabagauna me vaka a yalataka tu ko Malakai.

    1 Sa cereki tani mai na neirau vakanananu na ailati, ka sa dolavi na bmata ni neirau kila ka.

    2 Keirau a raica na Turaga ni sa tucake tu ena dela ni itutu ni vunau e mata i keirau; ia na itutu ni yavana sa ceuti ena koula dina, ka sa vaka na parasa matavinaka na rokana.

    3 A sa vaka na yameyame ni bukawaqa na yaloka ni amatana; sa vulavula sara na drau ni uluna me vaka na uca cevata; ia na iserau ni kena birairai sa uasivi cake mai na rarama ni matanisiga; a rorogo ni cdomona sa vaka na vadugu ni wailevu; io na domo i dJiova, sa kaya:

    4 Koi Au na kena aivakatekivu kei na kena ivakataotioti; sai Au sa bbula, sai Au tale ga sa vakamatei; raica koi Au na nomudou cdautataro vei Tamada.

    5 Raica, sa avosoti vei kemudou na nomudou ivalavala ca; dou sa savasava e mataqu; o koya mo dou laveta cake kina na ulumudou ka ia na reki.

    6 Me reki na lomadra na wekamudou, ia me reki na lomadra na tamata kecega, io ko ira sa atara na vale oqo ena nodra igu taucoko me noqu.

    7 Ia raica, au sa aciqoma na bvale oqo, ka na dau tiko eke na yacaqu; kau na vakatakilai au vei ira na noqu tamata ena loloma cecere ena vale oqo.

    8 Io, au na arairai vei ira na noqu tamata, ka vosa vei ira ena domoqu, kevaka era na muria na noqu ivakaro na noqu tamata, ka sega ni bvakadukadukalitaka na cvale tabu oqo.

    9 Raica ena reki na yalodra e udolu vakaudolu na tamata ni ra sa rawata na aveivakalougatataki kei na isolisoli e vuqa ena sovaraki yani, kei na bedaumeni era sa vakaivotavota kina ena vale oqo.

    10 Ia na irogorogo ni vale oqo ena robota yani na veivanua tani; raica oqo sa itekivu ni veivakalougatataki ena asovaraki ki uludra na noqu tamata. Io ena vakakina. Emeni.

    11 Ia ni sa mudu na araivotu oqo, sa qai tadola tale vei keirau ko lomalagi; a sa rairai mai ko bMosese, ka solia vei keirau na cidola ni nodra dvakasoqoni vata mai na Isireli mai na tutui vuravura e va, io kei na nodra vakauti mai na yavusa e lewe tini mai na vanua ena evualiku.

    12 Ni sa oti oqo, sa rairai mai ko aIliesa ka mai solia na lewa kei na kaukauwa ni bitabagauna cvakosipeli i Eparaama, ka tukuni kina ni ena vukuda kei ira na noda kawa ena vakalougatataki kina na veitabatamata kecega ena qai taravi keda mai.

    13 Ni sa tabogo yani na raivotu oqo, sa tadola tale mai vei keirau e dua na raivotu bibi ka lagilagi; sa wavutu e matai keirau ko aIlaija na parofita ka a bkau cake bulabula ki lomalagi, a sa kaya:

    14 Raica, sa yaco mai na taucoko ni gauna, ka tukuna ko Malakai—ka a vakadinadinataka ni na talai mai ko koya [Ilaija], ni bera ni qai yaco na siga levu ka rerevaki ni Turaga—

    15 Me avagolea na lomadra na qase vei ira na gone, kei na lomadra na gone vei ira na nodra qase, io de na qai cudruvi na vuravura taucoko ena veivakarusai—

    16 O koya, sa soli kina ki ligamudrau na idola ni itabagauna oqo; ia ena veika oqo drau na kila kina ni sa voleka sara ni yaco na asiga levu ka rerevaki ni Turaga, io sa tu mai katuba.