Veivuke ni Vuli
Ulumatua


Ulumatua

Ena nodra gauna na peteriaki ni gauna makawa, e dau solia vua na luvedra tagane e sucu duadua e liu na itutu vakaulumatua (iVakate. 43:33) ka sa taura kina na veiliutaki ena matavuvale ni sa mate na tamana. Sa dodonu me kilikili tu na nona bula na ulumatua me rawa ni taura kina na itavi oqo (1Ā Vei. 5:1ā€“2) ka na rawa ni kau tani vua na itutu vakaulumatua kevaka e sega ni buladodonu.

Ena lawa i Mosese, na ulumatua e dau raici ni nona na Kalou. Na ulumatua e dau taukena e rua na iwasewase ni veika e taukena na tamana (iVaka. 21:17). Ni sa mate na tamana, sa nona itavi me qaravi tinana kei ira na ganena.

Na ulumatua tagane talega ni manumanu e nona na Kalou. E dau vakayagataki na manumanu savasava me isoro, na manumanu tawasavasava e rawa ni volia tale na kena itaukei se volitaki yani se vakamatei (L.Y 13:2, 11ā€“13; 34:19ā€“20; Vuna. 27:11ā€“13, 26ā€“27).

Na ulumatua e vakatakarakarataki Jisu Karisito kei na Nona veiqaravi e vuravura, ka tukuna tiko vei ira na tamata ni na lako mai na Mesaia cecere (Mosese 5:4ā€“8; 6:63).

Ko Jisu e ulumatua vei keda kece na luvena vakayalo na Tamada Vakalomalagi, na Le Duabau Ga nei Tamana ena yago, ka imatai me Tucake tale mai na mate (Kolo. 1:13ā€“18). O ira na Yalododonu era yalodina era na yaco me ra lewena na nona Lotu na Ulumatua ena tawamudu (V&V 93:21ā€“22).