Veivuke ni Vuli
Livai


Livai

Ena Veiyalayalati Makawa, na ikatolu ni luvedrau tagane ko Jekope kei Lia (iVakate. 29:34; 35:23). A yaco ko Livai me tamadra e dua na mataqali i Isireli.

Na mataqali i Livai

A vakalougatataki Livai kei ira na nona kawa ko Jekope (iVakate. 49:5ā€“7, 28). Era sa vunau ena nodra veitikotiko na Isireli ko ira na kawa i Livai, (Tiko. 1:47ā€“54). Ko Eroni e dua na Livai, ka ra bete ko ira na nona kawa (L.Y 6:16ā€“20; 28:1ā€“4; 29). Era sa dau vukei ira na bete ko ira na Livai, ko ira na luvei Eroni (Tiko. 3:5ā€“10; 1Ā Tui 8:4). Ena so na gauna era daunivakatagi (1Ā Vei. 15:16; Nie. 11:22); dau vakarautaka na isoro (2Ā Vei. 29:34; Ese. 6:20); ka dau veivuke vakararaba ena valetabu (Nie. 11:16). Era sa yalodina na Livai ena nodra veiqaravi vua na Turaga me ra cakacakataka na veicakacaka vakalotu ena vukudra na luvei Isireli. Era a cabori na Livai ena vukudra na Luvei Isireli (Tiko. 8:11ā€“22); era sa yaco kina me nona iyau matalia na Kalou, ka sa soli yani Vua me isosomi ni nona ulumatua (Tiko. 8:16). Era a sega ni vakatabui ia era a vakasavasavataki ena vuku ni nodra itutu (Tiko. 8:7ā€“16). E sega ni dua na nodra ivotavota ni qele mai Kenani (Tiko. 18:23ā€“24), ia era a ciqoma na ikatini (Tiko. 18:21), vasagavulu kawalu na koro lelevu (Tiko. 35:6), kei na dodonu me ra ciqoma na nodra iloloma na tamata ena gauna ni kanamagiti (iVaka. 12:18ā€“19; 14:27ā€“29).