iValavala Ca e Sega ni Vosoti Rawa Raica talega na Laba; Luve ni Veivakarusai; Vosa Vakacacataka, Vosa Vakacacataki; Yalo Tabu Na ivalavala ca ni kena cakitaki na Yalo Tabu, e dua na ivalavala ca ka na sega ni vosoti rawa. Sa sega ni rawa me ra kakua ni cudruvi na tamata era sa vosa vakacacataka na Yalo Tabu, Maci. 12:31–32 (Mari. 3:29; Luke 12:10). Ni sa dredre sara me ra vakavoui tale me ra veivutuni ko ira ka vakararamataki e liu, Ipe. 6:4–6. Kevaka eda sa ivalavala ca ka sa yaloda kina ni da sa kila oti na ivakavuvuli dina, sa qai sega tale e dua tani na isoro ni ivalavala ca, Ipe. 10:26. Kevaka ko sa cakitaka na Yalo Tabu ni sa vakadeitaki oti e lomamu, ka ko sa kila ni ko sa cakitaka, raica, sa ikoya oqo na ivalavala ca ena sega ni vosoti rawa, Alama 39:5–6 (Jeko. 7:19). Era na sega sara ni vosoti ko ira sa cakitaka na Luvena e Duabau ga na Tamada, ni ra sa vakoti koya vakataki ira ki na kauveilatai, V&V 76:30–35. Na vosa vakacacataki ni Yalo Tabu, ka na sega ni vosoti rawa, mo vakadavea kina na dra tawa cala, ka veitokoni ki na noqu vakamatei, ni ko sa ciqoma oti na noqu veiyalayalati vou ka sega ni mudu, V&V 132:26–27.