iCabocabo ni Soro Raica talega na iSoro E dua na itutu ka caka me vakayagataki ena vakacabo isoro, vakacacabo, kei na sokalou. A tara ko Noa e dua na icabocabo ni soro vua na Turaga ka cabora kina na isoro kama, iVakate. 8:20. A tara ko Eparama e dua na icabocabo ni soro vua na Turaga, iVakate. 12:7–8. Sa vesuki Aisake na luvena ko Eparaama ki na icabocabo ni soro, iVakate. 22:9 (iVakate. 22:1–13). A tara e kea ko Jekope e dua na icabocabo ni soro ka vakatoka na vanua ko ya ko Eli-Peceli, iVakate. 35:6–7. A tara ko Ilaija e dua na icabocabo ni soro ka bolei ira na bete i Peali, 1 Tui 18:17–40. Kevaka ko sa kauta mai na nomu imadrali ki na icabocabo ni soro, mo ia ka veivinakati mada e liu kei na wekamu, Maci. 5:23–24. Au sa raica ena ruku ni icabocabo ni soro na yalodra ko ira era a vakamatei me baleta na vosa ni Kalou, iVakata. 6:9 (V&V 135:7). Sa tara ko Liai e dua na icabocabo ni soro vatu ka vakavinavinaka vua na Turaga, 1 Nif. 2:7. Sa vakabulai ko Eparaama mai na nona sa vakarau vakamatei ena icabocabo ni soro i Ilikena, Epa. 1:8–20.