Veiyalayalati Vou

Na vakasokumuni ni volavola veivakauqeti (ka volai taumada va-Kirisi) me baleta na nona bula kei na nona veiqaravi ko Jisu Karisito, ko ira na iApositolo, kei ira tale eso era dau muri Jisu Karisito voli. E dau wasewasei Vakosipeli na Veiyalayalati Vou, Na Nodra Cakacaka na iApositolo, na ivola eso nei Paula, na ivola raraba eso, kei na ivola ni iVakatakila.

Na va na Kosipeli—na ivola nei Maciu, Marika, Luke, kei Joni—era itukutuku ni bula nei Karisito. Na ivola ni Cakacaka e volai kina na itukutuku makawa me baleta na Lotu kei ira na iApositolo, vakauasivi na nona ilakolako ni kaulotu ko Paula, ni oti na nona mate na Karisito. Na ivola eso nei Paula e veidusimaki kina vei ira na iliuliu ni Lotu kei ira na lewena. Na ivola tale eso era a vola eso tale na iApositolo ka soli kina na ivakasala vei ira na Yalododonu taumada. Na ivola ni iVakatakila, ka a vola na iApositolo ko Joni, e lewena vakalevu ga na parofisai me baleta na veigauna e muri.