Isikeli
E dua na parofita ka a vola na ivola i Isikeli ena Veiyalayalati Makawa. E dua na bete ena matavuvale i Setoki ko koya, ka dua vei ira na kaivesu Jiu a kauta ko Nepukanesa. A laki tiko vata kei ira na ise ni ivalu vaka-Jiu e Papiloni, a parofisai ena loma ni ruasagavulu karua na yabaki, mai na 592 ki na 570 B.K.
Na ivola i Isikeli
E rawa ni wasei ki na va na iwasewase na ivola i Isikeli. Na wase 1–3 e tukuna na raivotutaki ni Kalou kei na nona kacivi ko Isikeli me veiqaravi; wase 4–24 e tukuna na lewa me baleti Jerusalemi, kei na vuna e tau mai kina; na wase 25–32 e kacivaki kina na lewa sa tau me baleta na matanitu; kei na wase 33–48 e tukuni kina na raivotu me baleta na Isireli ni veisiga e muri.