Jope
    Footnotes

    Jope

    Ena Veiyalayalati Vou, e dua na tamata buladodonu ka a sotava e vuqa sara na veivakararawataki lelevu ia a yalodina tikoga ena nona vakabauta na Kalou. E tukuni na nona italanoa ena ivola i Jope.

    Na ivola i Jope

    E dina ni baleti Jope na ivola oqo, e sega ga ni sauma kece sara na taro me baleta na vuna e sotava kina na veika rarawa kei na yali ni nona matavuvale kei na iyau ko Jope (se dua tale na tamata). E vakamatatataka na ivola ni noda sotava na veika rarawa e sega ni kena ibalebale ni da tamata ivalavala ca. E rawa ni vakayagataka na Turaga na veika rarawa me da kila ka, me vakaivakarautaki kina, ka da dusimaki kina, ka vakakina ni da totogitaki (V&V 122).

    E rawa ni wasei vakava na ivola. Na wase 1–2 erau ivakamacala taumada ni italanoa. Na wase 3–31 e tukuni kina na nodratou veivosaki ko Jope kei na lewe tolu na nona itokani. Na wase 32–37 e koto kina na vosa nei Ilaiu, na ikava ni itokani ka a vakacacani Jope ena veivosa e duatani mai vei iratou na imatai ni tolu na itokani. Na wase 38–42 e vakacavari kina na ivola ena dua na veivakadeitaki vei Jope ni a sa muadonu na nona ilakolako ni bula me tekivu mai na kena itekivu.

    E vakavuvulitaka na ivola i Jope kevaka e dua na tamata e kila na veika dodonu me baleta na Kalou ka bulataka tiko e dua na ivakarau ni bula e dodonu vua na Kalou, ena rawata vakavinaka cake me vosota na veivakatovolei ena yaco mai vua. E vakavotukanataki na vakabauta sega ni guce rawa nei Jope ena veivosa me vaka na, “kevaka sa vakamatei au ko Koya kau na vakararavi ga vua” (Jope 13:15). E cavuti talega ko Jope ena Isikeli 14:14; Jemesa 5:11; Vunau kei na Veiyalayalati 121:10.

    True