Veivuke ni Vuli
Samuela, Parofita ni Veiyalayalati Makawa


Samuela, Parofita ni Veiyalayalati Makawa

Na luvedrau ko Elikana kei Ana, a sucu ko Samuela me isau ni masu nei tinana (1Ā Samu. 1). Ena nona gauna ni gone a tuberi cake mai vei Ilai, na bete levu ena valetabu mai Sailo (1Ā Samu. 2:11; 3:1). Sa kacivi Samuela na Turaga ni se gone lailai sara me yaco me parofita (1Ā Samu. 3). Ni mate oti ko Ilai, sa yaco ko Samuela me parofita levu ka turaganilewa e Isireli ka vakalesuya tale mai na lawa, na ivakarau, kei na sokalou ena kena ivakarau dodonu ena loma ni vanua (1Ā Samu. 4:15ā€“18; 7:3ā€“17).

Na 1Ā Samu. 28:5ā€“20 e koto kina e dua na itukutuku ni nona vakabulai tale mai na mate ko Samuela mai vua na daucakaisausau e Edoa ena nona kerekere na Tui ko Saula. E sega ni rawa ni dua na raivotu va-Kalou oqo, baleta ni sega ni rawa vua e dua na daucakaisausau se dua tale na dau vakatevoro me vakauqeta e dua na parofita me rairai mai ena nona kerekere.

Na Samuela 1 kei na 2

Ena so na iVolatabu, na ivola ni 1 kei na 2 ni Samuela e dua vata ga na kena ivola. Ena so tale e rua. E kovuti ena ivola e rua oqo e rauta ni 130 na yabaki, mai na gauna e sucu kina ko Samuela me yacova na gauna sa voleka kina ni mate na Tui ko Tevita.

Na ivola ni 1 ni Samuela

Na wase 1ā€“3 e vakamacalataki kina na nona cudruva ka totogitaka na matavuvale nei Ilai na Turaga, ka qai kacivi Samuela me bete levu ka turaganilewa. Na wase 4ā€“6 e tukuna na kena lutu ki ligadra na kai Filisitia na kato ni veiyalayalati. Na wase 7ā€“8 e volai kina na nona ivakasala ko Samuela me baleta na qaravi kalou lasu kei na dua na tui ca. Na wase 9ā€“15 e vakamacalataki kina na nona buli kei na nona veiliutaki vakatui ko Saula. Na wase e 16ā€“31 e tukuna na kena itukutuku ko Tevita kei na nona rawata na kaukauwaā€”sa lumuti Tevita ka a vakamatei Koliaci ko Samuela. Sa cati Tevita sara ko Saula, ia a sega ni via vakamatei Saula ko Tevita e dina ni a basika mai eso na gauna vinaka me vakayacora kina.

Na ivola ni 2 ni Samuela

E koto ena ivola na itukutuku vakamatailalai ni nona veiliutaki vakatui Juta ko Tevita ka qai yaco e muri me tui ni vanua taucoko ko Isireli. Na wase 1ā€“4 e vakaraitaka e dua na nodra veiqalisominiwai balavu na tisaipeli nei Tevita, ni oti na nona buli mai vei ira na kai Juta, kei ira na tisaipeli nei Saula. Na wase 5ā€“10 e tukuni kina na nona sa yaco me qaqa sara ko Tevita ena vuqa na veivanua. Na wase 11ā€“21 e tukuni kina na kena lutu sobu na kaukauwa vakayalo nei Tevita ena vuku ni nona ivalavala ca kei na veisaqasaqa ena loma ni nona matavuvale. Na wase 22ā€“24 e vakamacalataka na nona sasaga ko Tevita me veivinakati tale kei na Turaga;