Veivuke ni Vuli
Rarama, Rarama i Karisito


Rarama, Rarama i Karisito

Na kaukauwa vakalou, se na veivakauqeti ka vu mai vua na Kalou ena vukui Karisito ka solia na bula kei na rarama ki na ka kecega. Sai koya na lawa sa lewai kina na ka kecega mai lomalagi kei vuravura (V&V 88:6ā€“13). Ena vukei ira talega na tamata me ra kila na dina ni kosipeli ka veivuke me tekivutaka na nodra ilakolako ena sala ni kosipeli ko ya ka na dusimaki ira ki na veivakabulai (Joni 3:19ā€“21; 12:46; Alama 26:15; 32:35; V&V 93:28ā€“29, 31ā€“32, 40, 42).

Me na kakua ni dau bosoki vata na rarama i Karisito vata kei na Yalo Tabu. Na rarama i Karisito e sega ni dua na tamata. Sai koya e dua na yalo ni veivakauqeti ka lako mai vua na Kalou ka na vakarautaka e dua na tamata me ciqoma na Yalo Tabu. Sai koya e dua na veivakauqeti ni vinaka vei ira kecega na tamata (Joni 1:9; V&V 84:46ā€“47).

E dua na ivakaraitaki ni rarama i Karisito sai koya na lewa e loma, ka na vukea e dua ena nona digia na vinaka se na ca (Moro. 7:16). Ni ra sa vulica na tamata e vuqa na ka me baleta na kosipeli, sa na kidakida vakalevu cake na nodra lewa e loma (Moro. 7:12ā€“19). O ira na tamata era dau vakarorogo ki na rarama i Karisito era na dusimaki yani ki na kosipeli i Jisu Karisito (V&V 84:46ā€“48).