Marika
Ena Veiyalayalati Vou, o Joni Marika e luvei Meri, ka a vakaitikotiko mai Jerusalemi (Cakacaka 12:12); e rawa talega ni tavalei Panapasa (se vugona) (Kolo. 4:10). A lako vata kei rau ko Paula kei Panapasa mai Jerusalemi ena imatai ni nodrau ilakolako vaka-kaulotu ka laki biuti rau mai Perika (Cakacaka 12:25; 13:5, 13). E muri a qai sala vata kei Panapasa ki Kipiro (Cakacaka 15:37–39). A tiko vata kei Paula mai Roma (Kolo. 4:10; Filimo. 1:24), ka a tiko vata kei Pita mai Papiloni (e rairai mai Roma beka) (1 Pita 5:13). E muri, a qai tiko vata kei Timoci mai Efeso (2 Timo. 4:11).
Na Kosipeli i Marika
Na ikarua ni ivola ena Veiyalayalati Vou. Na kosipeli i Marika e kena rairai ni a volai ena veidusimaki nei Pita. Na nona inaki me vakamacalataka na Turaga ni Luve ni Kalou e bula ka cakacaka tiko ena kedra maliwa na tamata. E vakamacalataka ko Marika ena nona igu kei na yalomalua, na nona veivakauqeti ko Jisu vei ira era tu wavokiti koya. Me vaka na ivalavala vakavanua e kainaki ni sa mate ko Pita, a qai veisiko ki Ijipita ko Marika, tauyavutaka na Lotu mai Alekisadria, ka qai mate ena nona tutaka tiko na nona vakabauta.
Me baleta na ituvatuva ni veika a yaco ena nona bula na iVakabula ena Kosipeli i Marika raica na Veiwekani ni Kosipeli ena ai kuri.