Veivuke ni Vuli
Jisu Karisito


Jisu Karisito

Na Karisito (e dua na vosa vaka-Kirisi) kei na Mesaia (e dua na vosa vaka-Iperiu) e kedrau ibalebale ā€œna ilumuti.ā€ Ko Jisu Karisito na Ulumatua nei Tamana ena yalo (Ipe. 1:6; V&V 93:21). O Koya na Le Duabau ga nei Tamana vakayago (Joni 1:14; 3:16). O Koya ko Jiova (V&V 110:3ā€“4) ka sa tabaki rawa mai ki na Nona ilesilesi cecere ni bera ni buli na vuravura. Ena veidusimaki nei Tamana, a bulia kina ko Jisu na vuravura kei na veika kecega sa tu kina (Joni 1:3, 14; Mosese 1:31ā€“33). A sucu mai vei Meri e Peceliema, a bulataka na bula e sega na kena ivalavala ca, ka taucoko na nona veisorovaki me baleta na ivalavala ca ni kawatamata ena vakadavei ni Nona dra kei na nona solia na Nona bula ena kauveilatai (Maci. 2:1; 1Ā Nif. 11:13ā€“33; 3Ā Nif. 27:13ā€“16; V&V 76:40ā€“42). A tucake mai na mate, ka sa vakadeitaka kina ni na qai yaco na gauna me na tucake tale kina mai na mate na tamata kecega. Ena vuku ni nona Veisorovaki kei na nona Tucake tale mai na mate ko Jisu, ena rawa kina vei ira era veivutunitaka na nodra ivalavala ca ka talairawarawa ki na ivakaro ni Kalou me ra bula tawamudu vata kei Jisu kei na Tamana (2Ā Nif. 9:10ā€“12; 21ā€“22; V&V 76:50ā€“53, 62).

Ko Jisu Karisito sai koya na tamata cecere duadua me mai sucu e vuravura. Na nona bula sa ivakaraitaki uasivi sara ni ivakarau ni bula e dodonu me bula kina na kawatamata. Na masu kece sara, na veivakalougatataki, kei na veicakacaka tabu vakalotu ni matabete e dodonu me vakayacori ena Yacana. Sai Koya na nodra Turaga na turaga, nodra Tui na tui, na Dauveibuli, na iVakabula, ka Kalou ni vuravura taucoko.

Ena lako tale mai ko Jisu ena kaukauwa kei na lagilagi me mai liutaka na vuravura ena Mileniumi. Ena lewai ira na tamata kecega ko Koya ena iotioti ni siga (Alama 11:40ā€“41; JSā€”M 1).

Na ivakalekaleka ni Nona bula (ena veitaravi ni veika e yaco)

Ko Jisu Karisito na ivakarau

Na bula taumada nei Karisito

Na ivakadinadina e wasei me baleti Jisu Karisito

Na lagilagi i Jisu Karisito

Na parofisai me baleta na sucu kei na mate nei Jisu Karisito

Na veimataqali se na ivakatakarakara i Karisito

Nona Dodonu

Rairai mai ni Karisito ni sa tucaketale mai na mate

Taura vei keda na yacai Jisu Karisito

Turaganilewa

Ulu ni Lotu

Veiliutaki ena Mileniumi na Karisito