2 Nifai 21
    Footnotes

    Wase 21

    Ena vakatulewa vakadodonu na toloi Jese (Karisito)—Ena roboti vuravura na kilai ni Kalou ena Mileniumi—Ena vakarewataka na Turaga e dua na drotini ka vakasoqoni Isireli—Vakatautauvatataka na Aisea 11. Rauta na 559–545 B.K.

    1 Ia ena tubu mai e dua na aititoko mai na btoloi cJese, ka na tubu cake e dua na tabana mai na wakana.

    2 Ka na tiko ga vua na aYalo ni Turaga, na yalo ni yalomatua kei na rai matua, na yalo ni veivakasalataki kei na kaukauwa, na yalo ni kilaka kei na rerevaka na Turaga;

    3 Ka na vakayacora vua me totolo na nona kila ka ni sa rerevaka na Turaga; ena sega ni alewa ko koya me vaka na rai ni matana, se vunauca me vaka na ka sa rogoca e daligana.

    4 Ia ena lewai ira avakadodonu ga na dravudravua, ka bveivunauci vakatautauvata ena vukudra na cyalomalua e vuravura; ia ena yaviti vuravura ena ititoko ni gusuna, kei na icegu ni tebenigusuna, ena vakamatei ira kina na daucaka ca.

    5 Ena ivau ni tolona na yalododonu, ka ivau ni nona veiliutaki na yalodina.

    6 Ena tiko veimaliwai talega na wolifa kei na lami, ka na davo vata na leopate kei na luve ni me; kei na luve ni bulumakau kei na laione gone kei na manumanu uro; ka na vakatawani ira e dua na gone lailai.

    7 Ena kana vata na bulumakau yalewa kei na pera; ena davo sobu vata na luvedra; ia na laione ena kania na co madu me vaka na bulumakau.

    8 Ena qito mai na qara ni agata na gone dramidrami, ia na gone sa qai kali ena tabaka ena ligana na qara ni gata bati gaga.

    9 Era na asega ni ia na vakacaca se vakarusa ena noqu ulunivanua tabu kecega; ni na roboti vuravura na nona bkilai na Turaga, me vaka sa ubia na wasawasa na wai.

    10 Ia ena asiga ko ya ena dua na bcoke nei Jese, ena tu me nodra drotini na veimataqali; era na vakasaqara ko ira na kai cMatanitu tani; ia ena vakaiukuuku na nona itikotiko.

    11 Ia ena qai yaco ena siga ko ya ni na dodoka tale na ligana na Turaga ena aikarua ni gauna me tauri ira tale na ivovo ni nona tamata era sa vo, mai Asiria, kei Ijipita, kei Pacirosi, kei Kusa, kei Ilama, kei Saina, kei Emaci, kei na veiyanuyanu mai wasawasa.

    12 Ia ena vakarewataka ko koya e dua na adrotini vei ira na veimatanitu, ka vakasoqoni ira vata na bIsireli era sa biu laivi, ka na csoqoni ira vata na Juta era dui veiseyaki tu mai na iyalayala vava kei vuravura.

    13 Ena takali talega na adauvuvu nei Ifireimi, ka ra na muduki tani na meca kei Juta; ena sega ni vuvutaki bJuta ko cIfireimi, ena sega talega ni vakararawataki Ifireimi ko Juta.

    14 A rau na akabati ira na kai Filisitia ki na ra; erau na lomavata me vakacacani ira na kai natuicake; erau na tabaka na ligadrau vei Itomi kei Moapi; ka ra na talairawarawa vei rau ko ira na luvei Amoni.

    15 Ena avakarusa vakadua sara na Turaga na mua ni wasawasa vaka-Ijipita; ena nona cagi kaukauwa ena yalovaka kina na ligana ki na uciwai, ka na yavita me vitu na kena idavedave, ka cakava me ra lako kosova na tamata ka sega ni suasua na yavadra.

    16 Ia ena dua na nodra asalatu na ivovo ni nona tamata era sa vo tu, mai Asiria; me vaka a yaco vei ira na Isireli ena siga era a lako cake kina mai na vanua ko Ijipita.