iVolanikalou
2 Nifai 19


Wase 19

Sa vosa ko Aisea me vaka na Mesaia—Era na raica na rarama levu ko ira na tamata era tu ena butobuto—Ena sucu vei keda e dua na gone—Ko koya ena Ravouvou ni Sautu ka na veiliutaki ena itikotiko vakatui nei Tevita—Vakatautauvatataka na Aisea 9. Rauta na 559–545 B.K.

1 Ia, na butobuto ena sega ni vaka mai na gauna ni nona vakararawataki, me vaka sa vakararawataki vakamamada e liu na avanua ko Sepuloni, kei na vanua ko Nafitalai; ia ni oti e a qai vakararawataki sara vakalevu mai na sala ni Wasa Damudamu, sivita na Joritani, mai Kalili ni veimatanitu.

2 Ko ira na tamata ka lako ena abutobuto, era sa raica e dua na rarama levu; ko ira era sa tiko ena vanua ni yaloyalo ni mate, sa cadra cake vei ira na rarama.

3 Ko ni sa vakalewevuqataka na matanitu, ka avakaikuritaka na marau; era sa marau e matamuni me vaka na marau ni sa cava na tatamusuki, ka vaka na nodra marau na tamata ni ra sa vota na itoki ni valu.

4 Ia ko ni sa musuka na ivua ni nona icolacola, kei na ititoko ni tabana, na ititoko i koya ka dau vakasaurarataki koya.

5 Ia na nona ivalu na bati sa salavata na rorogo ni veilecayaki, kei na isulu sa lomoci ena dra, ia oqo ena salavata kei na yameyame kei na buka ni bukawaqa.

6 Ni sa sucu mai vei keda e dua na agone, sa soli mai vei keda e dua na gone tagane; ena tiko e tabana na bmatanitu; ena vakatokai na yacana, Ko Veivakurabuitaki, Na Dau-ni-Vakasala, cNa Kalou Qaqa, Na dTamada Tawacava, Na Ravouvou ni eSautu.

7 Ena sega ni oti na tubu ni amatanitu kei na sautu, ena itikotiko vakatui i Tevita, kei na nona matanitu me liutaka, ka vakayavutaka ena lewa kei na lewa dodonu mai na gauna oqo ka lako yani, io me bsega ni mudu. Ena vakayacora na ka oqo na nona yalo gu na Turaga ni Lewevuqa.

8 Sa vakauta na Turaga na nona vosa kivei Jekope ka sa tau kivei ira na aIsireli.

9 Era na kila ko ira na tamata kecega, ko Ifireimi kei ira na lewei Samaria, era sa kaya ena nodra viavialevu kei na kaukauwa ni lomadra:

10 Sa lutu sobu na vatu-buli, ia eda na tara ga ena vatu sa ta; sa ta sobu na lolo, ia eda na qai vakaisosomitaka ena sitari.

11 O koya ena qai vakalevulevui ira kina na meca i aRisina na Turaga me veivorati kei koya, ka cokoti ira vata na nona meca;

12 Ko ira na kai Siria mai liu, kei ira na kai Filisitia mai muri; ka ra na dalaga ka atilomi ira sara na Isireli. Ena vuku ni ka kece oqo sa sega ni gole tani na nona bcudru, ia sa dodo tiko ga yani na ligana.

13 Ia ko ira na tamata era sa asega ni lesu kivei koya sa yaviti ira, a ra sa sega talega ni vakasaqara na Turaga ni Lewevuqa.

14 O koya, ena muduka tani kina na Turaga mai vei Isireli na uludra kei na buidra, na tabana kei na kuta ena duabau ga na siga.

15 O koya na qase, sai koya na ulu, a parofita sa vakavuvuli vakailasu, sai koya ga na buina.

16 Io ko ira sa veiliutaki vei ira na tamata oqo, era sa vakacalai ira; ia ko ira era sa tuberi mai vei ira, era sa vakarusai.

17 Ia na Turaga ena sega kina ni rekitaki ira na nodra cauravou, ena sega talega ni solia na aloloma cecere vei ira na gone era luveniyali kei na yada; ni ra sa dui veivakaisini ka dau caka ca ko ira yadua, a gusudra yadua sa daucavuta ga na ka blialia. Ena vuku ni ka kece oqo sa sega ni gole tani kina na nona cudru, ia sa dodo tiko ga yani na cligana.

18 Ni sa waqa na caka ca me vaka na bukawaqa; ena kania na kau vakavotona kei na soni, ka na caudre mai na kau ni veikau, ka ra na bini tu cake me vaka sa kuvu cake na kubou.

19 Ena cudru ni Turaga ni Lewevuqa sa vakabutobutotaki na vanua, ia na tamata era na vaka na buka ni bukawaqa; ena asega e dua me yalololoma vua na tacina.

20 Ena kaliraka mai na ligana imatau e dua, ka na viakana ga; ena akana mai na ligana imawi, ka na sega ni mamau; era na dui kania na lewe ni ligana ko ira na tamata yadua—

21 Ko aManasa, bIfireimi; kei Ifireimi, Manasa; e rau na to vata me veivorati kei cJuta. Ena vuku ni ka kece oqo sa sega ni gole tani na nona cudru, ia sa dodo tiko ga yani na ligana.