2 Nifai 13
    Footnotes

    Wase 13

    Erau na totogitaki ko Juta kei Jerusalemi ena vuku ni nodrau talaidredre—Sa vakamamasu ena vukudra ka lewai ira na Nona tamata na Turaga—Era sa cudruvi ka vakararawataki na gone yalewa ni Saioni ena vuku ni nodra vakavuravura—Vakatautauvatataka na Aisea 3. Rauta na 559–545 B.K.

    1 Ia raica, na Turaga, na Turaga ni Lewevuqa, sa kauta tani mai Jerusalemi kei Juta, na ivakadei kei na ivaqa ni bula, na ivaqa ni madrai taucoko, kei na ivakadei ni wai taucoko—

    2 Na tamata qaqa, kei na tamata ivalu, na turaganilewa, kei na parofita, kei ira sa yalomatua, kei ira na qase;

    3 Na turaganivalu ni limasagavulu, kei na tamata sa dokai, kei na daunivakasala, kei na matai vuku, kei koya sa daumaqosa ena vosa.

    4 Ia au na lesia vei ira na gone me ra nodra ravouvou, ka ra na lewai ira na gone lalai.

    5 Ka ra na vakasaurarataki na tamata, na tamata yadua mai vua e dua tale, na tamata yadua mai vua na kai nona; ena viavialevu na nona ivukivuki na gone vei ira na qase, kei na tamata velavela vei ira sa dokai.

    6 Ena qai goleva na tacina e dua na tamata ena vale i tamana, ka kaya: Sa tu vei iko na isulu, mo neitou iliuliu mada, ia mo kakua mada ni laiva na arusa oqo me yaco ena ruku ni nomu veiliutaki—

    7 Ena siga ko ya ena bubului ko koya, ka kaya: Au na sega ni aveivakabulai, ni sa sega na madrai se na isulu e noqu vale; dou kakua kina ni lesi au me’u nodra iliuliu na tamata.

    8 Ni sa arusa ko Jerusalemi, ka sa bbale ko Juta, ni sa saqata na Turaga na yamedra kei na nodra ivalavala, me vakacudruya kina na mata ni nona iukuuku lagilagi.

    9 Ai rairai ni matadra sa beitaki ira, ka tukuna na nodra ivalavala ca ni sa vakataki aSotoma, ka ra sa sega ni vunitaka rawa. Ena ca na yalodra, ni ra sa saumi ira vakaira ga ena ca!

    10 Dou kaya vei ira na yalododonu ni na avinaka vei ira; ni ra na kania na vua ni nodra ivalavala.

    11 Ena ca vei ira na tamata caka ca, ni ra na rusa; ni na tau vei ira na isau ni ligadra!

    12 Ia ko ira na noqu tamata, era na vakasaurarataki mai vei ira na gone, ka ra na lewai ira ko ira na marama. Ia, oi kemudou na noqu tamata, ko ira era sa aliutaki kemudou era na vakacalai kemudou, ka vakarusa na vanua ni nomudou sala.

    13 Sa tucake na Turaga me avakamamasu, ka tucake me lewai ira na tamata.

    14 Na Turaga ena ia na veilewai vei ira na qase ni nona tamata kei ira na aravouvou; ni dou sa bkania oti na cwere-ni-vaini kei na dveika dou sa kovea mai vei ira na edravudravua ena nomudou veivale.

    15 A cava na kena ibalebale? Dou sa mokulaki ira kina na noqu tamata, ka qaqia na matadra na dravudravua, sa kaya na Turaga na Kalou ni Lewevuqa.

    16 O koya oqo, sa kaya na Turaga: Ni ra sa qaciqacia na gone yalewa ni Saioni, ka sa dokadoka na domodra ka garogaro na matadra ni ra lako voli, ka ra sa lako vakateqateqa, ka vakataqiritaka na vesa ni yavadra—

    17 O koya ena vakatubura kina na Turaga e buradeladra na gone yalewa ni Saioni na kobo, ka na avakaluvawaletaki ira na Turaga.

    18 Ena siga ko ya, ena kauta tani kina na Turaga na doudou ni nodra vesa tataqiriqiri kei na aiubi, kei na nodra bitaube vaka na vula;

    19 Na itaube, kei na qato, kei na aiubi ni gusu;

    20 Na isala, kei na iukuuku ni yava, kei na ivau ni ulu, kei na tavaya ka boi vinaka, kei na sau;

    21 Na mama, kei na sau ni ucu;

    22 Na aisulu vakaiukuuku, kei na icurucuru, kei na isole ni ulu, kei na pini ni ulu;

    23 Na ailoilo, kei na isulu lineni matailalai, kei na isala, kei na iubi ni ulu.

    24 Ia ena qai yaco, me isosomi ni boi kamica na ka e bona; ka me isosomi ni ivau ni tolo, na ka e akadresu; kei na isosomi ni ulu sa talitali vinaka na ulu cou; kei na isosomi ni bcurucuru ni kete na isulu taga; na cvakamai me isosomi ni rairai vinaka.

    25 A nomu tagane era na mate ena iseleiwau, kei ira na nomu qaqa ena ivalu.

    26 Ena lele ka tagiyaso na nona matamata ni koro; ena lala mai ko koya, ka dabe sobu ena qele.

    True