2 Nifai 22
    Footnotes

    Wase 22

    Ena siga ni dua na udolu na yabaki, era na vakacaucautaka na Turaga na tamata kecega—Ena tiko ena kedra maliwa ko Koya—Vakatautauvatataka na Aisea 12. Rauta na 559–545 B.K.

    1 Ia ena siga ko ya ko na kaya: Kemuni na Turaga, au na vakacaucautaki kemuni, e dina ko ni a cudruvi au ia sa qai gole tani na nomuni cudru, ka ko ni sa vakacegui au.

    2 Raica, sa noqu vunibula na Kalou; au na avakararavi vua, ka sega ni rere; ni sa noqu vu ni kaukauwa ka noqu sere na Turaga ko bJiova, ka sa yaco talega me noqu vunibula.

    3 O koya gona, dou na takiva na awai mai na mata-ni-wai ni veivakabulai ena reki.

    4 Ia ena siga ko ya dou na qai kaya: Dou avakacaucautaka na Turaga, masuta na yacana, tukuna yani na nona cakacaka ena kedra maliwa na tamata, dou tukuna ni sa dokai sara na yacana.

    5 Dou asere vua na Turaga; ni sa cakava na ka sa uasivi sara; sa kilai oqo e vuravura taucoko.

    6 Dou aqoqolou ka kaila na lewei Saioni; ni sa levu cake ena kemudou maliwa ko Koya na Yalo Savasava ni Isireli.