Domo Raica talega na iVakatakila Me vaka na kena vakayagataki ena ivolanikalou, ena so na gauna ena dua na itukutuku eda rawa ni rogoca ka cavuta mai na Turaga se na Nona italai. Na domo ni Yalo ena rawa ni sega ni rogo ka na vagolei ki na yalo se ki na vakasama. Erau sa rogoca na domo ni Kalou ko Jiova ko Atama kei Ivi, iVakate. 3:8 (Mosese 4:14). Sa vosa na Turaga vei Ilaija ena domo lailai ka vinaka, 1 Tui 19:11–13. Ko ira na buladodonu era sa rogoca na domona na iVakatawa Vinaka, Joni 10:1–16. Ko koya yadua sa vakabauta na ka dina sa rogoca na noqu vosa, Joni 18:37. Au sa muria na domo ni Yalo, 1 Nif. 4:6–18. Sa rogo vei au e dua na domo ka kaya: Inosi, sa bokoci na nomu ivalavala ca, Inosi 1:5. E dua na domo lailai ka malumu, ka sa laubasikata sara na yalo, Ila. 5:29–33 (3 Nif. 11:3–7). Se mai na domoqu se mai na domodra na noqu tamata sa tautauvata ga, V&V 1:38. Ia na ka kecega era sa tukuna ena veivakauqeti ni Yalo Tabu, sa domo ni Turaga, V&V 68:2–4. Ko ira kecega sa rogoca na domoqu, era na raica na mataqu ka kila ni sai au, V&V 93:1.