Vosa Vakacacataka, Vosa Vakacacataki
    Footnotes
    Theme

    Vosa Vakacacataka, Vosa Vakacacataki

    Na sega ni veidokai se sega ni vakarokoroko me baleta na Kalou se na veika tabu eso.

    A beitaki vakavicavata ko Jisu mai vei ira na Jiu ena vosa vakacaca baleta na Nona kaya ni tu vua na dodonu me vosota na ivalavala ca (Maci. 9:2–3; Luke 5:20–21), baleta ni vakatokai Koya ko Koya me Luve ni Kalou (Joni 10:22–36; 19:7), ka vakakina na Nona kaya ni ra na raici Koya ni dabe tiko ena liga imatau ni kaukauwa ka lako mai ena o ni lomalagi (Maci. 26:64–65). A rawa ni dina beka na veibeitaki oqo kevaka a sega ni dina na veika e tukuna o Koya me baleti Koya. Na veibeitaki a caka me baleti Koya mai vei ira na dauveibeitaki vakailasu ena nodra mataveilewai na Sanedrini (Maci. 26:59–61) sa vosavakacacani kina na valetabu ni Kalou. Na vosa vakacacani ni Yalo Tabu, sai koya na noda nakita me da cakitaki Karisito ni da sa kilai koya vakavinaka sara, sai koya na ivalavala ca e sega ni bokoci rawa (Maci. 12:31–32; Mari. 3:28–29; V&V 132:27).