Veivuke ni Vuli
Inoki


Inoki

E dua na parofita ka a liutaki ira na lewe ni koro levu ko Saioni. Na nona veiqaravi e veitalanoataki ena Veiyalayalati Makawa kei na Mataniciva Talei. E ikavitu ni peteriaki ko koya ni oti ko Atama. O koya na luvei Jereti ka tamai Mecusela (iVakate. 5:18ā€“24; Luke 3:37).

E dua na tamata cecere ko Inoki ka bibi cake sara na nona veiqaravi mai na veika e tukuni ena kena itukutuku lekaleka ena iVolatabu. E tukuni ena iVolatabu ni a kau bulabula ko koya (Ipe. 11:5) ia e sega ni tukuna vakamatata sara na nona veiqaravi. Ena Juta 1:14 e koto kina na vosa e cavuti mai na dua na parofisai a vakayacora. E tukuni ena ivakatakila ni gauna oqo e vuqa sara na ka me baleti Inoki, vakauasivi na nona ivunau, na nona koro levu ka vakatokai ko Saioni, na nona raivotu, kei na nona parofisai (V&V 107:48ā€“57; Mosese 6ā€“7). A kau cake ki lomalagi ko Saioni ena vuku ni nodra buladodonu ko ira era a tiko kina (Mosese 7:69).