Veivuke ni Vuli
Lawa i Mosese


Lawa i Mosese

A solia na Kalou na lawa eso mai vei Mosese ki na yavusa i Isireli me sosomitaka na lawa cecere era sega tiko ni rawa ni muria (L.Y 34; VJS, L.Y 34:1ā€“2; VJS, iVaka. 10:2 [Ai Kuri]). Na lawa i Mosese e okati kina e vuqa na ivakavuvuli, na lawa, na soqoni, na ivakarau, kei na ivakatakarakara me ra nanuma tiko kina na nodra itavi kei na nodra ilesilesi. E okati kina e dua na lawa ni ivakaro kei na ivalavala ni bula savasava, na bula dodonu, na lotu, kei na bula vakayagoā€”ka okati kina na isoro (Vuna. 1ā€“7)ā€”ka kena inaki me ra nanuma kina na Kalou kei na nodra itavi Vua (Mosa. 13:30). Era tiki talega ni lawa na vakabauta, veivutuni, papitaiso e wai, kei na vakabokoci ni ivalavala ca, ka vakakina na iVakaro e Tini kei na ivakaro tale e vuqa ka cecere na kena yaga ena ivalavala dodonu kei na bula savasava. E vuqa na lawa ni soqoni sa mai vakataucokotaki ena nona mate kei na nona Tucake tale ko Jisu Karisito, sa mai tini kina na vakadavei ni dra ena vakacabo isoro (Alama 34:13ā€“14). Era dau cakacakataka na lawa oqo na Matabete i Eroni, ka sai koya na kosipeli vakavakarau me kauti ira mai na talairawarawa kina vei Karisito.