Ena ivolanikalou, na cudruvi sai koya na kena vakayagataki na lawa vakalou ka vakatarai kina se vakatauci kina na lewa kei na kena revurevu me baleta e dua na ka, dua na tamata, se matatamata ka vu vakatabakidua ki na bula ivalavala ca. Na cudruvi sai koya na kena vakatakilai na nona loloma na Kalou kei na nona lewa dodonu. E rawa ni solia sara ga mai vakadodonu na Kalou se ra cavuta na Nona italai vakadonui. Ena so na gauna ena kila duadua ga na Kalou na vu ni cudruvi. Me kena ikuri, era na vakila na ituvaki ni bula cudruvi o ira ga era nakita me ra talaidredre vua na Kalou ka ra sa lako tani kina mai vua na Yalo ni Turaga.
E rawa ni kauta tani na Turaga na cudruvi ena vuku ni nona vakabauti Jisu Karisito kei na nona talairawarawa ki na lawa kei na cakacaka vakalotu ni kosipeli na tamata se matatamata ko ya (Alama 23:16–18; 3 Nif. 2:14–16; Y ni V 1:3).
Vosa ca
Mo vosamuri sai koya talega na nomu vakayagataka eso na vosa ca, veivakacacani, se veivakalolomataki.