Akeai
E dua na parofita ni Veiyalayalati Makawa ka a parofisaitaka ena rauta na 520 B.K. e Jerusalemi, ni se qai oti sara ga na nodra lesu mai ena nodra a tiko vakabobula mai Papiloni na Jiu (Ese. 5:1; 6:14). A vosa me baleta na kena tara tale na valetabu ni Turaga e Jerusalemi ka vosataki ira kina na tamata baleta ni se bera ni vakaoti. A vola talega me baleta na valetabu ni yabaki udolu kei na nona veiliutaki na iVakabula.
Na ivola i Akeai
Ena wase 1 a vosataki ira na tamata ni Turaga ni ra sa tiko ena nodra vale sa tara tu vakaoti ka se bera tu ga ni tara na valetabu. Ena wase 2 e tukuni kina na parofisai i Akeai ni na solia na Turaga na vakacegu ena Nona valetabu.