iLavo Raica talega na iKatini; Soli Ka ni Loloma; Vakavuravura; iYau Na ilavo kaukamea, pepa, sitivikiti se dua na ka e dau vakayagataka na tamata me saumi kina na ivoli se na veiqaravi. Ena so na gauna e dau ivakatakarakara ni kena gadrevi vakalevu na veika vakavuravura. Ia dou na voli tale, ia ka sega ena ilavo, Ais. 52:3. A sa vakarota vei ira me ra kakua ni kauta e dua na ka ena gaunisala, me kakua na taga ni ivaqa, se na madrai, se na ilavo, Mari. 6:8. Sa kaya vei Saimoni na Daucakaisausau ko Pita ni rau na rusa vata kei na nomu siliva, Cakacaka 8:20. Ni sa vu ni ka ca kecega na dau lomana na lavo, 1 Timo. 6:10. Mo dou kakua kina ni vakayagataka na ilavo ena ka sa sega na betena, 2 Nif. 9:50–51 (Ais. 55:1–2; 2 Nif. 26:25–27). Kevaka era na cakacaka ena vuku ni ilavo, era na rusa, 2 Nif. 26:31. Ni bera ni dou vakasaqara na iyau dou vakasaqara taumada na matanitu ni Kalou, Jeko. 2:18–19. Era na kaya na lotu eso, dou kauta mai na nomudou ilavo me vosoti kina na nomudou ivalavala ca, Moma. 8:32, 37. Ko koya sa solia na nona ilavo ena inaki kei Saioni ena sega sara ni calata na kena isau, V&V 84:89–90.