Josefa, na Wati Meri
Na wati Meri, na tinai Jisu. Ko Josefa e dua na kawa i Tevita (Maci. 1:1ā16; Luke 3:23ā38) ka a vakaitikotiko mai Nasareci. Erau sa veimusumusuki me rau veiwatini kei Meri. Ni se bera ga ni rau vakamau, a sikovi Meri na agilosi ko Keperieli, o koya a mai tukuna ni sa digitaki ko Meri me tinana na iVakabula (Luke 1:26ā35). A ciqoma talega ko Josefa na ivakatakila ni sucu vakalou oqo (Maci. 1:20ā25).
Ko Meri duadua ga na nona itubutubu vakavuravura ko Jisu baleta ni tamai Jisu na Kalou na Tamada. Ia ko ira na Jiu era nanuma ni tamai Jisu ko Josefa, ka dau raici koya vakakina ko Jisu (Luke 2:48, 51). Ni vakasalataki ena tadra vakalomalagi, a taqomaka ko Josefa na nona bula na gonelailai ko Jisu ena nona dro ki Ijipita (Maci. 2:13ā14). Ni sa mate ko Eroti sa vakasalataki Josefa na agilosi me kauta lesu na gone ko Karisito ki Isireli (Maci. 2:19ā23).