Vakatusa, Vakatutusa
    Footnotes
    Theme

    Vakatusa, Vakatutusa

    Na ivolanikalou e vakayagataka na vosa vakatusa ena rua na sala kevaka e lailai. Ena dua na kena vakasama, me da vakatutusa sai koya na noda tukuna na noda vakabauta ena dua na ka, me vaka na noda vakatusa ni Karisito ko Jisu (Maci. 10:32; Roma 10:9; 1 Joni 4:1–3; V&V 88:104).

    Ena dua tale na kena vakasama, me da vakatusa sai koya na noda vakaraitaka na noda cala, me vaka ena noda vakatusa na noda ivalavala ca. Sa noda itavi na tamata yadua me da vakatusa na noda ivalavala ca kece sara vua na Turaga ka rawata na Nona veivosoti (V&V 58:42–43). Ena veigauna e gadrevi kina sa dodonu me dau vakatusai na ivalavala ca vua na tamata se vei ira na tamata eda ivalavala ca kina. Na ivalavala ca bibi be dodonu me vakatusai ki vua e dua na vakailesilesi ni Lotu (ena vuqa sara na gauna vua na bisopi).