Veivuke ni Vuli
Mate Vakayalo


Mate Vakayalo

Na tawasei mai vua na Kalou kei na Nona veivakauqeti; na mate mai na veika ni buladodonu. Era a sotava ko Lusefa kei na dua na ikatolu ni lewevuqa mai lomalagi na mate vakayalo ena gauna era debelaki sobu kina mai lomalagi (V&V 29:36ā€“37).

A vakatakilai mai ki vuravura na mate vakayalo ena Lutu i Atama (Mosese 6:48). Na tamata bula ka ca se dukadukali tu na nodra vakanananu, na vosa, kei na cakacaka, era sa mate ga ni ra se bula lako e vuravura (1Ā Timo. 5:6). Ena nona Veisorovaki ko Jisu Karisito kei na noda talairawarawa ki na ivakavuvuli kei na cakacaka tabu vakalotu ni kosipeli, sa rawa kina vua na tamata me yaco me savasava mai na ivalavala ca ka vakadruka na mate vakayalo.

Na mate vakayalo ena dau yaco talega ni sa mate na yago. Eda na lewai kece na tamata sa vakaturi cake mai na mate vata kei ira na tevoro kei ira na nona agilosi. Ko ira era sa nakita na nodra saqata na rarama kei na dina ni kosipeli era na sotava na mate vakayalo. Na mate oqo sa dau vakatokai ena vuqa na gauna me ikarua ni mate (Alama 12:16; Ila. 14:16ā€“19; V&V 76:36ā€“38).