Esekaia
    Footnotes
    Theme

    Esekaia

    E dua na tui bula dodonu ena vanua ko Juta ena Veiyalayalati Makawa. A veiliutaki ena ruasagavulu kaciwa na yabaki, ena gauna vata a parofita voli kina ena vanua ko Juta ko Aisea (2 Tui 18–20; 2 Vei. 29–32; Ais. 36–39). A vukei koya ko Aisea ena kena vakacokotaki na lotu kei na vanua. A valuta na qaravi kalou lasu ka vakatikora tale na veiqaravi ni valetabu. A vakabalavutaki na bula nei Esekaia ena tinikalima na yabaki ena masumasu kei na vakabauta (2 Tui 20:1–7). A vuavuai vinaka na imatai ni iwase ni nona veiliutaki, ia na nona saqata na tui Asiria (2 Tui 18:7) a yaco kina e rua na kaba vakaivalu nei Asiria: na kena imatai e vakamacalataki ena Aisea 10:24–32, na kena ikarua ena 2 Tui 18:13–19:7. Ena ikarua ni kaba vakaivalu, a qai vakabulai ko Jerusalemi mai vua e dua na agilosi ni Turaga (2 Tui 19:35).

    True