Matanitu vaka-Roma

Na matanitu vaka-Roma makawa. Ena itabagauna vakaiapositolo, na Matanitu vaka-Roma sai koya na matanitu cecere duadua ena kaukauwa e vuravura. E okati kina na veika kece sara ena kedra maliwa na Uferetisi, na Danube, na Raini, na Atalanitika, kei na vanua dravuisiga na Sahara. A yaco ko Palesitaina me dua na kena yasana vakarurugi ena 63 B.K. ena gauna a tauri Jerusalemi kina ko Pomupiu. E dina ni ra a solia na kai Roma vei ira na Jiu e vuqa sara na galala, era a sega ni taleitaka na Jiu na veiliutaki vaka-Roma ka ra sa dau vakaduiduile kina ena so na gauna.

Ko Paula, e dua na kai Roma, e dau vakayagataka na vosa vaka-Kirisi, na vosa dau vakayagataki vakalevu duadua ena vanua, me vakatetea kina na kosipeli ena loma ni vanua taucoko.