Eroti
    Footnotes
    Theme

    Eroti

    E dua na matavuvale veiliutaki mai Jutia ni voleka na gauna nei Jisu Karisito. Era tamata kilai ena vuqa na veika a yaco ena Veiyalayalati Vou. A tekivutaka na matavuvale o Eroti na Qaqa, o koya ka a rerevaka na sucu ni iVakabula (Maci. 2:3) ka solia na ivakaro me ra vakamatei na gonedramidrami kece sara e Peceliema. O ira na luvena tagane e okati kina o Arisitopulo; Eroti Filipi (Maci. 14:3; Marika 6:17); Eroti Anitipasa, na turaga (Maci. 14:1; Luke 9:7; dau kilai talega ena Tui o Eroti, Marika 6:14); Arikeleo (Maci. 2:22); kei Filipi, turaga mai Ituria (Luke 3:1). O Eroti Akaripa Ⅰ (Cakacaka 12:1–23) kei na ganena o Erotiasa (Maci. 14:3; Marika 6:17) eratou luvei Arisitopulo. O Eroti Akaripa Ⅰ e vica vata na luvena era cavuti talega ena Veiyalayalati Vou, okati kina o Eroti Akaripa Ⅱ (Cakacaka 25:13), Perinaise (Cakacaka 25:13), kei Tarusila, na wati Filikesa (Cakacaka 24:24).