Veivuke ni Vuli
Luke


Luke

O koya e vola na Kosipeli i Luke kei na ivola ni Cakacaka ena Veiyalayalati Vou ka dua na itokani ni kaulotu nei Paula. A sucu mai vei rau na itubutubu kai Kirisi ka a cakacaka vakavuniwai (Kolo. 4:14). A vuli sara vakavinaka o Luke. A tukuni koya ni o koya na nona itokani na iApositolo ko Paula ena gauna e laki duavata kina kei Paula mai Tiroa (Cakacaka 16:10ā€“11). A tiko talega vata kei Paula ko Luke mai Filipai ena iotioti ni nona ilakolako ko Paula ki Jerusalemi (Cakacaka 20:6), ka rau a tiko vata voli ga na lewe rua oqo me yacova ni rau tadu yani ki Roma. A tiko talega vata kei Paula ko Luke ena ikarua ni nona tauri vakavesu mai Roma (2Ā Timo. 4:11). Me vaka na ivalavala vakavanua a mate ko koya ena vuku ni nona vakabauta.

Na Kosipeli i Luke

E dua na itukutuku a vola ko Luke me baleti Jisu Karisito kei na Nona veiqaravi e vuravura. Na ivola ni Nodra Cakacaka na iApositolo e ikuri ni Kosipeli i Luke. A biuta koto mai o Luke e dua na itukutuku volai vakamatau ni nona veiqaravi ko Jisu, ka tukuni kina ni ko Jisu na nodra iVakabula na Jiu kei ira na kai Matanitu Tani. E vola e vuqa na ka me baleta na nona ivakavuvuli kei na Nona cakacaka ko Jisu. Ena Luke eda na raica kina na itukutuku duadua ga ni nona veisiko ko Keperieli vei Sakaraia kei Meri (Luke 1); na nodra veisiko na ivakatawa ni sipi vua na gonelailai ko Jisu (Luke 2:8ā€“18); ni tiko voli ena valetabu ko Jisu ni se qai yabaki tinikarua (Luke 2:41ā€“52); era vakaroti ka talai yani na vitusagavulu (Luke 10:1ā€“24); sa bunotaka na dra ko Jisu (Luke 22:44); nodrau veivosaki ko Jisu kei na daubutako ena kauveilatai (Luke 23:39ā€“43); kei na nona kana ika kei na oni ko Jisu ni oti Nona Tucake tale mai na mate (Luke 24:42ā€“43).

Me baleta e dua na ituvatuva ni veika a yaco ena nona bula na iVakabula ka vakamacalataki ena Kosipeli i Luke, raica na Veiwekani ni Kosipeli ena ai kuri.