Eparaama
    Footnotes
    Theme

    Eparaama

    A luvei Tira, ka sucu mai Uri e Kalitia (iVakate. 11:26, 31; 17:5). E dua na parofita ni Turaga ka a vakayacora vata kei koya na Turaga na veiyalayalati tawamudu, ka ra na vakalougatataki kina na veimatanitu kecega ni vuravura. A yacai Eparaama taumada ko Eparama.

    Na ivola i Eparaama

    Na ivolatukutuku makawa ka vola ko Eparaama, a mai taura na Lotu ena 1835. A laurai na ivolatukutuku kei na so na yago ena so na nodra ibulubulu e lomaniqele na kai Ijipita mai vei Anitonio Lebolo, o koya a qai vola tu me soli vei Maikeli Sanidela ena gauna sa mate kina. A qai vakaraitaka mai Amerika ko Sanidela ena 1835. Eso na itokani nei Josefa Simici era a qai volia mai vei Sanidela ka solia vua na Parofita, o koya e qai vakadewataka. Eso na itukutuku oqori sa tu ena gauna oqo ena Mataniciva Talei.

    Na wase 1 e tukuni kina na veika a sotava ko Eparaama mai Uri e Kalitia, na vanua era a segata kina na bete dau caka ca me ra vakacabori koya me isoro. Na wase 2 e tukuna na nona ilakolako ki Kenani. A rairai vua na Turaga ka veiyalayalati vata kaya. E volai ena wase 3 na nona raica ko Eparaama na vuravura taucoko ka kila na isema ni veiyago vakalomalagi. Na wase 4–5 era itukutuku talega ni veibuli.

    Na kawa i Eparaama

    Ko ira na tamata, ena nodra talairawarawa ki na lawa kei na veicakacaka vakalotu ni kosipeli i Jisu Karisito, era na taura na yalayala kei na veiyalayalati ka cakava na Kalou vei Eparaama. Era na rawata na veivakalougatataki oqo na tagane kei na yalewa kevaka era kawa dina sara i Eparaama se era sa vakubeci ki na nona matavuvale ena nodra ciqoma na kosipeli ka papitaiso (Kala. 3:26–29; 4:1–7; V&V 84:33–34; 103:17; 132:30–32; Epa. 2:9–11). Ena rawa ni ra vakayalia na nodra veivakalougatataki ko ira na kawa dina sara i Eparaama kevaka era talaidredre (Roma 4:13; 9:6–8).