Ruci
Ena Veiyalayalati Makawa na yalewa ni Moapi ka vugodrau ko Neomai kei Ilimeleki, oi rau na Isireli. Ni sa mate na watina, a qai laki vakawati tale ko Ruci kei na kai nona ko Neomai, ko Poasa. Na luvedrau ko Opeti erau a basika mai kina ko Tevita kei Karisito. Na italanoa kei Ruci e vakaraitaka vakavinaka sara na nona veisau e dua e sega ni kawa vaka-Isireli me mai lewena na qele ni sipi vaka-Isireli. A biuta ko Ruci na nona kalou kei na nona bula e liu me duavata kei na matavuvale ni vakabauta ena nona qarava na Kalou ni Isireli (Ruci 1:16).
Na ivola i Ruci
Na wase 1 e vakamacalataki kina na bula nei Ilimeleki kei na nona matavuvale mai Moapi. Ni rau sa dui mate na watidrau, erau a lako ki Peceliema ko Neomai kei Ruci. E tukuni ena wase 2 ni sa dau laki vakatotomi ena were i Poasa ko Ruci. E tukuni ena wase 3 na nona vakaroti Ruci ko Neomai me lako ki na buturara ni samusamu ka davo ena yavai Poasa. Na wase 4 na italanoa ni nodrau vakamau ko Ruci kei Poasa. A dua na luvedrau, ko Opeti, ka rau a basika mai ena nona kawa ko Tevita kei Karisito.