Veivuke ni Vuli
Moronai, Luvei Momani


Moronai, Luvei Momani

Na iotioti ni parofita vei ira na Nifai ena iVola i Momani (rauta ni 421 na yabaki mai na nona sucu na Karisito). Ni sa voleka na gauna me mate kina ko Momani, a solia e dua na itukutuku makawa ka vakatokai na peleti i Momani vua na luvena ko Moronai (VĀ iĀ M 1:1). Vakacavara ko Moronai na nona biuta vata na peleti i Momani. Vakuria na ivola i Momani ena wase 8 kei na 9 (Moma. 8:1). A vakalekalekataka ka vakacuruma na ivola i Ica (Ica 1:1ā€“2) ka vakuria ena nona ivola ka vakatokai na ivola i Moronai (Moro. 1). A dregata na peleti ko Moronai ka vunitaka ena delana ko Kumora (Moma. 8:14; Moro. 10:2). Ena 1823 a talai mai ko Moronai ni sa tucake tale mai na mate me mai vakatakila na iVola i Momani vei Josefa Simici (V&V 27:5; JSā€”AT 1:30ā€“42, 45). Sa dau mai vakarota tiko na parofita gone oqo ena veiyabaki mai na 1823 ki na 1827 (JSā€”AT 1:54) ka qai mai solia vua na peleti ena 1827 (JSā€”AT 1:59). Ni sa vakacavara na kena vakadewataki a vakasuka tale na peleti vei Moronai ko Josefa Simici.

Na ivola i Moronai

Na iotioti ni ivola ena iVola i Momani. A vola na iotioti ni parofita vei ira na Nifai, ko Moronai. Na wase 1ā€“3 e tukuni kina na nodra sa qai vakarusai vakadua na Nifai, ka soli kina na ivakaro ena kena soli na Yalo Tabu kei na matabete. Na wase 4ā€“5 e tukuni kina vakamatailalai na ivakarau dodonu ni kena qaravi na sakaramede. Na wase 6 e tukuni umauma kina na cakacaka ni Lotu. Na wase 7ā€“8 era ivunau ena ivakavuvuli taumada ni kosipeli, ka okati kina na ivakavuvuli eso nei Momani ena vakabauta, kei na inuinui, kei na loloma uasivi kei na kena ivakarau me kilai kina na vinaka mai na ca (Moro. 7), kei na nona ivakamacala ko Momani ni ra sa bula tu vei Karisito ko ira na gonelalai ka sega ni gadrevi me ra papitaiso (Moro. 8). Na wase 9 e vakamacalataki kina na nodra itutu lolovira na veimatanitu ni Nifai. Na wase 10 e iotioti ni nona itukutuku ko Moronai ka okati kina na sala me da kila kina na dina ni iVola i Momani (Moro. 10:3ā€“5).