Loma, Yalo Raica talega na Sucu Tale, Sucu Vakalou; Yalo Raramusumusu Na ivakatakarakara ni vakasama kei na loma ni tamata kei na ivurevure ni yalo kei na vakanananu. Mo ni lomani Jiova na nomuni Kalou ena lomamuni taucoko, iVaka. 6:5 (iVaka. 6:3–7; Maci. 22:37; Luke 10:27; V&V 59:5). Sa qara oti ko Jiova e dua na tamata sa yalovata kaya, 1 Samu. 13:14. Ni sa raica na ka e sau ko ira na tamata, ia sa raica na yalo ko Jiova, 1 Samu. 16:7. O koya sa liga savasava ka yalo savasava ena cabe cake ki na ulunivanua i Jiova ka vakalougatataki, Same 24:3–5 (2 Nif. 25:16). Ia me vaka na vakanananu ni lomana sa vakakina ko koya, Na Vosa. 23:7. Ena vagolea ko Ilaija na lomadra na qase vei ira na gone, kei na lomadra na gone vei ira na nodra qase, Mala. 4:5–6 (Luke 1:17; V&V 2:2; 110:14–15; 138:47; JS—AT 1:38–39). Sa kalougata ko ira sa yalosavasava, Maci. 5:8 (3 Nif. 12:8). Sa tukuna mai e dua na tamata na ka vinaka se na ka ca sa tu e lomana, Luke 6:45. Muria na Luvena ena lomamudou taucoko, 2 Nif. 31:13. Ko ni sa sucu li vakayalo vua na Kalou ka vakila li na veisau levu oqo e lomamuni, Alama 5:14. Me da cabora me isoro vua na Turaga na yalo raramusumusu ka bibivoro, 3 Nif. 9:20 (3 Nif. 12:19; Ica 4:15; Moro. 6:2). Au na tukuna ki na nomu vakasama kei na vu ni yalomu ena Yalo Tabu, V&V 8:2.