Veivuke ni Vuli
Liai, Tamai Nifai


Liai, Tamai Nifai

Ena iVola i Momani, e dua na parofita vei ira na Iperiu ka a liutaki ira na nona matavuvale kei ira era muri koya mai Jerusalemi ki na dua na vanua yalataki ena ra ni vuravura rauta na 600Ā B.K. O Liai na imatai ni parofita vei ira na nona tamata ena iVola i Momani.

Eratou a dro tani mai Jerusalemi ko Liai vata kei na nona matavuvale ena ivakaro ni Turaga (1Ā Nif. 2:1ā€“4). O koya e dua na kawa i Josefa ka a volitaki ki Ijipita (1Ā Nif. 5:14). A solia vua na Turaga e dua na raivotu me baleta na vunikau ni bula (1Ā Nif. 8:2ā€“35). Eratou a tara ko Liai kei iratou na luvena e dua na waqa ka soko yani vaka ki na ra ni vuravura (1Ā Nif. 17ā€“18). Era laki vakacokotaki ira ena dua na vanua vou ko koya vata kei ira na nona kawa (1Ā Nif. 18:23ā€“25). Ni bera ni mate, a vakalougatataki iratou na luvena ko Liai ka vakavulici ira me baleti Karisito kei na yaco mai ni iVola i Momani ena veigauna e muri oqo (2Ā Nif. 1:1ā€“4:12).

Na ivola kei Liai

A tekivu ena ivola kei Liai ko Josefa Simici ena gauna e vakadewataka kina na iVola i Momani. Oqo e dua na itukutuku ka a vakalekalekataka ko Momani mai na peleti i Liai. Ni sa vola rawa e 116 na draunipepa ena nona vakadewataka tiko na ivola oqo, a solia na draunipepa volai oqori ko Josefa vei Matini Erisi, o koya a veiqaravi vakalekaleka me dauvolavola nei Josefa ena kena vakadewataki na iVola i Momani. Era a qai yali na draunipepa oqori. A sega ni vakadewataka tale ko Josefa na ivola i Liai me vakaisosomitaka kina na draunipepa volai eso sa yali, ia a qai vakadewataka eso na itukutuku veiwekani mai na peleti koula (raica na ivakamacala taumada ni V&V 3; 10). Na itukutuku veiwekani eso oqori sai koya na imatai ni ono na ivola ena iVola i Momani.