Tani
    Footnotes
    Theme

    Tani

    Ena Veiyalayalati Makawa, e dua na luvei Jekope kei Pila, na dauveiqaravi nei Rejeli (iVakate. 30:5–6).

    Na mataqali i Tani

    Me baleta na veivakalougatataki nei Jekope vei Tani, raica na iVakatekivu 49:16–18. Me baleta na veivakalougatataki nei Mosese ki na mataqali nei Tani, raica Na iVakarua 33:22. Ni ra sa laki tiko mai Kenani, a qai soli ki na mataqali i Tani e dua na tikiniqele lailai ka bulabula (Josu. 19:40–48). Sa dua na gauna dredre era sotava ena nodra taqomaka mai vei ira na Amoraiti (Dauvei. 1:34) ka vakakina mai vei ira na kai Filisitia (Dauvei. 13:2, 25; 18:1). Ena vuku ni ka oqori, era sa toki kina ki na vualiku kei Palesitaina ko ira na yavusa i Tani (Dauvei. 18), ena yasayasa vaka-Leisi, ka veisautaka na yaca ni koro ko ya me Tani. E kilai levu tu na koro oqo me iyalayala ena vualiku kei Palesitaina, “me tekivu mai Tani ka yaco sara ki Peri-sepa.”