Veivuke ni Vuli
Jona


Jona

E dua na parofita ni Veiyalayalati Makawa ka a kacivi koya na Turaga me laki vunautaka na veivutuni ena koro levu ko Ninive (Jona 1:1ā€“2).

Na ivola i Jona

E dua na ivola ena Veiyalayalati Makawa ka tukuni kina e dua na ka a sotava ko Jona ena nona bula. E rairai a sega beka ni vola ko Jona na ivola oqo. Na inaki levu ni ivola i Jona oya ni veiliutaki ena veivanua kecega ko Jiova ka sega ni vakatabakidua na Nona loloma ki na dua na matanitu se dua na matatamata.

Ena wase e 1, a kacivi Jona na Turaga me laki vunau ki Ninive. A sega ni mani kitaka me vaka na ivakaro ni Turaga, a qai dro ena dua na waqa ko Jona, qai tilomi koya e dua na ika levu. Ena wase 2, A masu vua na Turaga ko Jona, ka qai luaraki Jona na ika ki na qele mamaca. E volai ena wase 3 ni a lako ki Ninive ko Jona ka parofisaitaka na kena lutu. Ia, era a veivutuni na tamata. Ena wase 4, a vosataki Jona na Turaga, ena nona cudruvaka tiko na nona vakabulai ira na tamata na Turaga.

E vakavuvulitaka ko Jisu ni nona tilomi Jona na ika sa ivakatakarakara taumada ni nona mate kei na nona vakaturi cake tale ko Jisu (Maci. 12:39ā€“40; 16:4; Luke 11:29ā€“30).