Savasava ka Tawasavasava
    Footnotes
    Theme

    Savasava ka Tawasavasava

    Ena Veiyalayalati Makawa, sa vakatakila kina na Turaga vei Mosese kei ira na kai Isireli makawa ni so walega na kakana e nanumi ni vinaka se, ena dua tale na vosa, e vinaka me laukana. Na nodra dau vakaduiduitaka na Isireli na kakana savasava kei koya e tawasavasava sa levu sara na kena revurevu ena nodra bula vakalotu kei na bula ni veimaliwai. Eso na manumanu yavaiva, na manumanu vuka, kei na ika era laurai ni savasava ka vinaka me laukana, na kena vo era tawasavasava ka vakatabui (Vuna. 11; iVaka. 14:3–20). Eso talega na tamata tauvimate sa nanumi ni ra tawasavasava.

    Ena kena vakasama vakayalo, na savasava sai koya me da galala mai na ivalavala ca kei na gagadre ivalavala ca. Ena vakasama oqori e vakayagataki na vosa oqo me vakamacalataki kina e dua na tamata bula savasava ka yalosavasava (Same 24:4). Ko ira na nona tamata ni veiyalayalati na Kalou sa dau soli vei ira na veidusimaki bibi me ra savasava (3 Nif. 20:41; V&V 38:42; 133:5).