Veivuke ni Vuli
iVakatekivu, Na


iVakatekivu, Na

Na iVakatekivu e imatai ni ivola ena Veiyalayalati Makawa ka a vola na parofita ko Mosese. E tukuni kina e dua na itukutuku ni itekitekivu eso, me vaka na buli ni vuravura, na kena biu mai ki vuravura na manumanu kei na tamata, na nodrau Lutu ko Atama kei Ivi, na vakatakilai ni kosipeli vei Atama, na itekivu ni veiyavusa kei na matatamata, na vanua e vu mai kina na veivosa eso mai Pepeli, kei na ivakatekivu ni matavuvale vaka-Eparaama ka mai tekivutaki kina na yavusa i Isireli. Na itavi nei Josefa me baleta na nodra maroroi voli na Isireli e vakamacalataki ena iVakatekivu.

Na ivakatakila ni gauna oqo e vakamacalataka ka vakamatatataka na itukutuku ena iVakatekivu (1Ā Nif. 5; Ica 1; Mosese 1ā€“8; Epa. 1ā€“5).

Ena iVakatekivu, wase 1ā€“4 e tukuni kina na buli ni vuravura kei na vakatorocaketaki ni matavuvale nei Atama. Na wase 5ā€“10 e tukuni kina na itukutuku makawa kei Noa. Na wase 11ā€“20 e tukuni kina ko Eparaama kei na nona matavuvale me yacova sara na gauna i Aisake. Na wase 21ā€“35 e muria na matavuvale nei Aisake. Na wase 36 e tukuni Iso kei na nona matavuvale. Na wase 37ā€“50 e tukuna na matavuvale nei Jekope ka tukuna e dua na itukutuku ni nona volitaki ki Ijipita ko Josefa kei na nona itavi ena nodra vakabulai na yavusa i Isireli.